"गरीब शेतकरी कुटुंबातील मुलगा ते दहावी नापास मुलगा ते 30 रुपये रोजावर पोल्ट्रीत काम करणारा तरुण ते पावरहाउसला काम करणार हेल्पर, सुपरवायझर ते सिक्युरिटीत काम करणार तरुण ते धरणावर कणसे विकणारा तरुण ते महाराष्ट्रातील हजारो ग्राहकांना उत्तम सेवा देणाऱ्या प्रसिद्ध हॉटेल वरसगाव चौपाटीचा मालक ते एका मोठ्या संकटाने सर्व उध्वस्त झाल्यानंतर शून्यातून पुन्हा साम्राज्य निर्माण करणारा शिलेदार ते निसर्गरम्य वरसगाव - पानशेत धरण परिसरातील फार्महाऊसच्या पंढरीतील ब्रँड असणाऱ्या हॉटेल वरसगाव चौपाटीचे सर्वेसर्वा, प्रसिद्ध हॉटेल उद्योजक, प्रेरणादायी शिलेदार सचिन गोरड"
आयुष्यात जेवढा मोठा संघर्ष तेवढा त्या व्यक्तीचा प्रवास रोमहर्षक व प्रेरणादायी असतो व त्यांची जडणघडणही समृद्ध होत असते. पुणे जिल्ह्यातील, निसर्गरम्य व सुंदर ठिकाण असलेल्या वरसगाव धरण परिसरातील महाराष्ट्रातील हजारो ग्राहकांना उत्तम सेवा देणाऱ्या, वरसगाव - पानशेत धरण परिसरातील रिसॉर्ट, फार्महाऊसच्या पंढरीतील ब्रँड असणाऱ्या प्रसिद्ध हॉटेल वरसगाव चौपाटीचे मालक सचिन गोरड यांचा जन्म सर्वसामान्य गरीब शेतकरी कुटुंबात वरसगाव या ठिकाणी झाला.
दहावी नापास मुलगा ते धरणावरती कणसे विकणारा मुलगा ते पानशेत - वरसगाव धरण परिसरातील फार्महाउस - रिसॉर्टच्या पंढरीमध्ये महाराष्ट्रातील हजारो ग्राहकांना उत्तम सेवा देणाऱ्या वरसगाव - पानशेत परिसरातील हॉटेल वरसगाव चौपाटी या ब्रँडचे मालक सचिन गोरड यांचे बालपण खूप कष्टामध्ये व गरिबीमध्ये गेले. अल्पभूधारक सर्वसामान्य शेतकऱ्याचा संघर्ष फारच भयानक असतो.
वरसगाव धरण परिसरातील अल्पभूधारक शेतकऱ्याचे आयुष्य जगत असताना सचिन गोरड यांचे वडील भिका लक्ष्मण गोरड अल्पभूधारक शेतकऱ्याचे जगणे जगत असताना, वरसगाव धरणाचे काम चालू असताना अतुर इंडिया खाजगी कंपनीमध्ये कमी पगारावरती अकरा वर्ष नोकरी केली.
Flipkart Best Offer... Headphones & Speakers : Upto 80% Off... Limited Time Deal! Shop Now! For Special Discount Offers Click on Below 'Buy Now'
वरसगाव धरणावरची ही तात्पुरती नोकरी गेल्यानंतर, धरणग्रस्त असलेल्या गोरड कुटुंबाला खूप मोठा संघर्ष करावा लागला. वरसगाव धरणामध्ये गोरड कुटुंबीयांची जमीन गेल्यामुळे त्यांना दौंड येथील कानगाव येथे उदरनिर्वाहासाठी स्थलांतरित करावे लागले. 25 एकर शेती धरणात गेल्यानंतर तुटपुंजा मोबदला मिळाल्यानंतर, दुसऱ्या तालुक्यात जाऊन तेथे जास्त दराने शेती विकत घेऊन विकसित करायला त्यांना फार मोठा संघर्ष करावा लागतो.
"आमचे बालपण खूप हालाखीच्या परिस्थितीत गेले. अल्पभूधारक शेतकऱ्याचे जीवन व धरणग्रस्त शेतकऱ्यांची अवस्था फारच वाईट असते. आमची 25 एकर शेती धरणामध्ये गेली. पण मोबदला खूप तुटपुंज मिळाला. त्यावेळेस सरकारने 100, 200, 400 रुपये एकरने आमच्या जमिनी घेतल्या. पण दौंड तालुक्यात मिळालेल्या जमिनी आम्हाला 900 रुपये एकरने विकत घ्याव्या लागल्या व त्या विकसित करण्यासाठी खूप खर्च करावा लागला, खूप संघर्ष करावा लागला. वडिलांना आयुष्यभर संघर्ष करावा लागला. धरणग्रस्त कुटुंबाला पुनर्वसनासाठी फार मोठा संघर्ष करावा लागतो." असे हॉटेल वरसगाव चौपाटीचे मालक, हॉटेल उद्योजक सचिन गोरड यांनी सांगितले.
वरसगाव धरणामध्ये जमीन गेल्यामुळे गोरड कुटुंबीय 1992 ला दौंड येथे स्थलांतरित झाले. सचिन गोरड यांचे वडील भिका गोरड, आई सिंधुबाई गोरड व मोठे भाऊ संदीप गोरड काही दिवस वरसगावमध्ये छोटेसे किराणा मालाचे दुकान टाकून उदरनिर्वाह करत होते परंतु पुन्हा काही वर्षांनी दौंड येथे संपूर्ण गोरड कुटुंब स्थलांतरित झाले. नवीन गावांमध्ये जाऊन संसार उभा करणे हे त्याकाळी एवढी सोपी गोष्ट नव्हती. दौंड तालुक्यातील ग्रामीण भागातील कानगावमध्ये भाड्याच्या खोलीत राहून निकृष्ट दर्जाची जमीन विकसित करणे त्याकाळी खूप कठीण गोष्ट होती. त्यामुळे गोरड कुटुंबीयांना खूप मोठा संघर्ष करावा लागला.
शेतकरी राजाच्या शेतात चांगलं पीक येण्यासाठी शेतकऱ्यांच्या घरातील सर्वच लोकं काबाडकष्ट करत असतात. सचिन गोरड यांनी वयाच्या 13 व्या वर्षापासून वडिलांना शेतामध्ये मदत केलेली आहे. शेतातील पाखर हाकण्यापासून ते शेतीची मशागतीची कामे ते शेतातील पिकांचे रक्षण करण्यापर्यंतची मदत त्याकाळी सचिन गोरड यांनी वडिलांना केलेली आहे. आदर्श विद्यालय कानगाव येथे सचिन गोरड यांनी आठवी ते दहावीपर्यंतचे माध्यमिक शिक्षण घेतले. शालेय जीवनामध्ये सचिन गोरड खोडकर,खेळकर व अभ्यासामध्ये फार प्रगती नव्हती.
"वरसगाव सोडून दौंड तालुक्यातील नवीन गावात जाऊन संसार उभा करणे. शेती डेव्हलप करणे त्याकाळी खूप कठीण गोष्ट होती. आमच्या वडिलांचे आख्खे आयुष्य गेले शेती डेव्हलप करायला. खूप संघर्ष करावा लागला. आमच्या आदर्श विद्यालय कानगाव येथील शाळेतील दिवस खरच खूप भारी होते. सुरुवातीच्या काळात पोरं बाहेरगावावरून आलो त्यामुळे मला चिडवायचे, मारायचे परंतु शाळेतील शिक्षक असलेल्या मॅडमच्या गाडीवरून प्रवास सुरू केल्यानंतर त्यांचा त्रास कमी झाला. दहावीत गेल्यानंतर आम्ही खूप एन्जॉय केला. गावाकडे पोहयचो. शाळेत खूप खेळायचो. एकदा दहावीला असताना एक दिवस आम्ही शाळा बंद पाडली. आम्ही सर्वजण मिळून जंगल परिसरात जाऊन वनभोजन केले. परंतु दुसऱ्या दिवशी मार खावा लागला. शालेय आठवणी माणूस कधीच विसरत नाही कारण त्या खूपच संस्मरणीय असतात." असे हॉटेल उद्योजक सचिन गोरड यांनी सांगितले.
दौंड तालुक्यातील आदर्श विद्यालय कानगाव येथे दहावीपर्यंतचे सचिन गोरड यांनी शिक्षण घेतले परंतु अभ्यासात प्रगती नसल्यामुळे दहावीला नापास झाल्यामुळे त्यांना खूप मोठा धक्का बसला.
Samsung Mobile.. Best Buy is Live! Lowest Prices on Samsung Mobiles. For Special Discount Offers Click on Below 'Buy Now'
Buy Now
"शालेय जीवनामध्ये मला अभ्यासामध्ये जास्त रुची नसल्यामुळे मी दहावी नापास झालो. तो आमच्यासाठी खूप मोठा धक्काच होता. परंतु घरातील आई - वडिलांनी मला समजून घेऊन पुन्हा अभ्यास करायला सांगितला. पण रिपीटर पेपर दिल्यानंतर पहिल्यापेक्षा खूप कमी मार्क पडले त्यानंतर शिक्षणाचा विषयच मी सोडून दिला. ते दिवस खूप कठीण होते परंतु त्यातून मार्ग काढत मेहनत करण्याशिवाय काही माझ्यासमोर पर्याय नव्हता." असे हॉटेल उद्योजक सचिन गोरड यांनी सांगितले.
आयुष्यात येणारे मोठे अपयश, मोठे दुःख तुम्हाला खूप काही शिकवून जाते. सचिन गोरड दहावी नापास झाल्यानंतर निराश झाले पण खचले नाहीत. आयुष्याच्या नवीन संघर्षमय वाटचालीसाठी सज्ज झाले. दहावी नापास झाल्यामुळे शिक्षणाचे सर्व मार्ग बंद झाले होते त्यामुळे मेहनत करण्यावाचून पर्याय नव्हता. कुटुंबाच्या उदरनिर्वाहासाठी सचिन गोरड यांनी त्यांच्या आयुष्यातील पहिली नोकरी वेंकीज इंडिया या पोल्ट्री क्षेत्रातील कंपनीमध्ये केली. अवघ्या 30 रुपये हजरीवरती सचिन गोरड यांनी एक वर्षभर त्या पोल्ट्रीमध्ये नोकरी केली.
"माझ्या आयुष्यातील पहिली नोकरी मी वेंकीज इंडिया या पोल्ट्रीमध्ये 30 रुपये हजेरी वरती केली. वर्षभर काम केल्यानंतर फक्त दोन रुपये पगार वाढल्यामुळे मी ती पोल्ट्रीमधील नोकरी सोडली व काही महिने किराणामालाच्या दुकानांमध्ये कामगार म्हणून काम केले. त्यावेळेस पन्नास रुपये हजेरी मला मिळायची. आमच्या कुटुंबाला आर्थिक आधार देण्यासाठी माझी त्याकाळी धडपड सुरू होती. प्रचंड कष्ट व मेहनत करण्याचे माझी तयारी होती." असे हॉटेल व्यवसायिक सचिन गोरड यांनी सांगितले.
एवढ्या तुटपुंज्या पगारात त्याकाळी कुटुंबाचा उदरनिर्वाह करणे शक्य नव्हते त्यामुळेच सचिन गोरड यांनी कोकणातील विद्युत क्षेत्रातील पावरहाऊस प्रोजेक्ट वरती काम करण्याचे ठरवले. नातेवाईकांच्या ओळखीने त्यांना कोकणातील पावर हाइसच्या प्रोजेक्टवर, साईटवरती काम मिळाले. सचिन गोरड यांचे वय कमी असल्यामुळे सुरुवातीला त्यांना काम मिळायला अडचणींचा सामना करावा लागला.
Ajio Best Offer.. Casual Wear : Upto 90% Off | Starting at Rs 200... Shop Now! For Special Discount Offers Click on Below 'Buy Now'
"पोल्ट्रीमध्ये एवढ्या कमी पगारामध्ये काम करण्यामध्ये मला भविष्य दिसत नव्हते. एक वर्ष काम केलं तर फक्त दोन रुपयांची पगारवाढ झाली हे खूप अन्यायकारक होते. त्यामुळेच मी पोल्ट्रीमधील नोकरी सोडण्याचा निर्णय घेतला व त्यानंतर कोकणात आमच्या नातेवाईकांच्या ओळखीने पावरहाऊसच्या प्रोजेक्टवरती काम करण्याची संधी मिळाली. पहिल्या दिवशी माझ्या वयामुळे त्यांनी मला नोकरी देण्यास नकार दिला परंतु मालकाला विनंती केल्यानंतर मला त्या पावरहाऊस साईट वरती काम करणाऱ्या कामगारांचे जेवण बनवण्याचे काम मिळाले. मी आयुष्यात कधी चहाही बनवला नव्हता. पण तरी देखील त्या पंधरा कामगारांचा चहा, नाश्ता, जेवण बनवायला मी शिकलो व सहा महिने ते काम मी प्रामाणिकपणे केले." असे हॉटेल व्यावसायिक सचिन गोरड यांनी सांगितले.
कुठल्याही व्यक्तीला प्रतिकुल परिस्थिती घडवत असते. कोकणातील पावरहाउसच्या प्रोजेक्टवरची नोकरी वयामुळे कॉन्ट्रॅक्टरने नाकारली तरी देखील खचून न जाता, सचिन गोरड यांनी मिळालेल्या संधीचे सोने केले. आयुष्यात कधीही चहा न बनवलेला माणूस त्या पंधरा कामगारांचा चहा, नाश्ता व जेवण बनवायला शिकला व अखंडपणे सहा महिने त्यांनी ती सेवा दिली. भविष्यातील यशस्वी हॉटेल उद्योजक सचिन गोरड यांच्या प्रवासाची सुरुवात कुठेतरी कोकणातल्या त्या पावरहाऊसच्या साईटवरून कामगारांसाठी चहा, नाश्ता व जेवण बनवल्यापासूनच झाली असं म्हटलं तरी वावगे ठरणार नाही. सहा महिन्यानंतर सचिन गोरड यांनी त्या पावरहाऊस प्रोजेक्टमध्ये वायरमन म्हणून कामाला सुरुवात केली त्यावेळेस त्यांना अडीच हजार पगार होता.
"कोकणात पावरहाउसच्या प्रोजेक्टवरती, साईटवरती पंधरा कामगारांचा चहा, नाश्ता व जेवण बनवण्याचा प्रवास माझ्यासाठी खूपच सुखद होता. जेवण बनवून झाल्यानंतर दिवसभर क्रिकेट खेळायचे नंतर संध्याकाळी पुन्हा चहा व जेवण बनवायचे. मी खूप मनापासून व आवडीने कामगारांसाठी चहा, नाश्ता व जेवण बनवायचो. सहा महिन्यानंतर पावरहाउसच्या प्रोजेक्टवरती मला काम करण्याची संधी मिळाली त्यावेळेस अडीच हजार रुपये पगार होता. पावरहाउसच्या टॉवर बनवण्याच्या कामामध्ये मी प्रचंड मेहनतीने, चांगले कौशल्य विकसित केले." असे हॉटेल व्यावसायिक सचिन गोरड यांनी सांगितले.
कोकणातल्या पावरहाऊस प्रोजेक्टवरती हेल्पर म्हणून सुरू केलेला सचिन गोरड यांचा प्रवास कुशल तंत्रज्ञपर्यंत, सुपरवायझर पर्यंत पोहोचला. पावरहाऊसचे, लाईट, सबस्टेशनचे काम खूपच किचकट व आव्हानात्मक व धोकेदायक असते.
Tata CLiQ...Best Offer... Ten Ten Sale is LIVE! Upto 80% Off Across Categories....For Special Discount Offers Click on Below 'Buy Now'
Buy Now
"कोकणातल्या पावरहाऊसच्या प्रोजेक्टवरती काम करायला सुरुवात केल्यानंतर हेल्पर म्हणून मी सुरुवात केली त्यावेळेस टॉवर बनवणाऱ्या कामगारांच्या हाताखाली लोखंड, नटबोल्ट देणे इथपासून माझा जो प्रवास सुरू झाला तो पुढे 11 केव्हीचा टावर काही तासांमध्ये मी उभा करायला शिकलो. एकदा टॉवरचे ड्रॉईंग वाचल्यानंतर मला पुन्हा त्याकडे पाहायची गरज पडायचे नाही. दिवसभरात तो काही तासांमध्ये 11 केव्हीचा टॉवर आम्ही कामगारांच्या मदतीने उभा करायचो. मला नेहमीच आव्हानात्मक व अवघड काम करायला आवडायचे." असे हॉटेल व्यावसायिक सचिन गोरड यांनी सांगितले.
विद्युत क्षेत्रातील पावरहाऊस प्रोजेक्टचं काम खूपच किचकट, आव्हानात्मक व कठीण असते. कमी पगारामध्ये या कामगारांना खूप कठीण व धोकादायक काम करावे लागते. सचिन गोरड यांनी ज्या ज्या क्षेत्रामध्ये काम केले त्या क्षेत्रामध्ये त्यांनी आपल्या प्रामाणिक आणि मेहनतीच्या जोरावरती एक चांगला ठसा उमटवला. 11 केव्ही टॉवरचे ड्रॉइंग फक्त एकदाच पाहून पूर्ण दिवसभरात काही तासांमध्ये 11 केव्हीचा मोठा टॉवर उभा करणे ही सोपी गोष्ट नाहीये परंतु हेअद्भूत कौशल्य त्यांनी त्यांच्या कठोर मेहनतीतून विकसित केले.
"मी पावरहाउसच्या प्रोजेक्टवरती काम करत असताना मला नेहमीच अवघड व कठीण काम करायला आवडायचे. एकदा पुणे शहरामध्ये पर्वती पावरहाऊसमध्ये आव्हानात्मक काम करण्याची मला संधी मिळाली. पर्वती पावरहाउसच्या टॉवरवरती चढून जम्प बदलायचे हे कठीण काम होते. सकाळी मी नऊ वाजता टॉवरवरती चढून सायंकाळी पाच वाजेपर्यंत रस्सीच्या झुल्यावरती हे कठीण काम न थकता केले. दिवसभर टॉवरवरतीच थांबून फक्त वडापाव,जेवण व पाणी हे टॉवरवरतीच करून आठ तास ते पावरहाऊसचे कठीण काम पूर्ण केले. याचे मला खूप समाधान वाटले." असे हॉटेल व्यावसायिक सचिन गोरड यांनी सांगितले.
आपल्या कुटुंबाला आर्थिक हातभार लावण्यासाठी प्रामाणिकपणे काम करणारा कुठलाही व्यक्ती आयुष्यामध्ये प्रचंड कष्ट व मेहनत घेऊन प्रगतशील वाटचाल करत असतो. पर्वती पावरहाऊस साईटवरती टॉवरवरती सकाळी नऊ वाजता धोकादायक रस्सीच्या झुल्याच्या सहाय्याने चढून पाच वाजेपर्यंत दिवसभर टॉवरवरतीच जम्प बसवण्याचे काम करणे व हे कठीण व धोकादायक काम करतानाच टॉवरवरतीच दिवसभर थांबून चहा व जेवण करून, अखंडपणे आठ तास ते धोकादायक काम करणे त्याकाळी एवढी सोपी गोष्ट नव्हती. परंतु सचिन गोरड यांनी ते आव्हान स्वीकारले आणि यशस्वीपणे पूर्ण केले. सचिन गोरड यांनी पावरहाउसच्या प्रोजेक्टची कामे कोकण, लातूर, लोणंद, जेजुरी ,नाशिक या ठिकाणी खूप प्रामाणिकपणे केली.
"पावर हाउसच्या साइटवरची कामे धोकादायक व कठीण नक्कीच असायची परंतु आम्ही ती प्रामाणिकपणे करायचो. सबस्टेशन बनवणे. टॉवर उभा करणे. ट्रान्सफॉर्मर बसवणे. पॅनल वायरिंग ही सर्व कामे आम्ही एकजुटीने करायचो. एक सर्वसामान्य हेल्पर म्हणून सुरू झालेला माझा प्रवास पावरहाऊस प्रोजेक्टवरती सुपरवायझर म्हणून मी प्रामाणिकपणे काम केले. पावरहाउसच्या प्रोजेक्टवरती चार वर्षे काम केल्यानंतर लातूरला सुपरवायझर म्हणून असताना एक कामगाराचा अपघात झाल्यानंतर ते धोकादायक काम मी सोडले व पुण्याला येऊन मी 2001 ला सिक्युरिटीमध्ये काही महिने काम केले. मी ज्या वेगवेगळ्या क्षेत्रांमध्ये काम करत गेलो. मला शिकायला खूप मिळाले. त्याचा मला भावी आयुष्यामध्ये खूप उपयोग झाला." असे हॉटेल व्यावसायिक सचिन गोरड यांनी सांगितले.
पुणे शहरात 2001 ला सिक्युरिटी मध्ये काही महिने सचिन गोरड यांनी काम केल्यानंतर त्यांना "हरहर उद्योग" या प्लास्टिक फॅब्रिकेशन कंपनीमध्ये, फर्ममध्ये काम करण्याची संधी मिळाली. सुरुवातीला तीन हजार पगारावरती वेल्डरच्या हाताखाली हेल्पर म्हणून सुरू झालेला सचिन गोरड यांचा प्रवास प्लास्टिक फॅब्रिकेशनच्या मोठ्या कंपन्यासाठीचे मोठे - मोठे जॉब संपूर्ण देशभरात कर्नाटक, राजस्थान, गुजरात, महाराष्ट्र असे वेगवेगळ्या राज्यामध्ये प्लास्टिक फॅब्रिकेशनचे प्रोजेक्ट त्यांनी यशस्वीरित्या पूर्ण केले.
"पुण्यातील हरहर उद्योग समूहामध्ये सात वर्ष प्लास्टिक फॅब्रिकेशनचे काम करण्याचा माझ्या आयुष्यातील खूप महत्त्वाचा टप्पा होता. पाणी फिल्टर करण्यासाठी जी हवा दिली जाते तो प्लास्टिकच्या पाईपलाईन जॉब आम्ही करायचो. राजस्थान, कोईमतुर, कर्नाटक, गुजरात व महाराष्ट्र अश्या देशभरातील अनेक राज्यांमध्ये आम्ही मोठे - मोठे प्लास्टिक फॅब्रिकेशन जॉब यशस्वीरित्या पूर्ण केले. विविध राज्यांमध्ये प्लास्टिक फॅब्रिकेशनच्या मोठ - मोठ्या प्रोजेक्टवरती काम केल्यामुळे त्याचा आम्हाला खूप चांगला अनुभव मिळाला." असे हॉटेल उद्योजक सचिन गोरड यांनी सांगितले.
राजस्थानमध्ये प्लास्टिक फॅब्रिकेशनच्या प्रोजेक्टवरती काम करत असताना सचिन गोरड यांना खूप मोठा संघर्ष करावा लागला. एवढ्या तीव्र उष्णतेमध्ये टाकीत जाऊन काम करणं खूप कठीण गोष्ट होती. प्रचंड वेदनादायी उष्णतेच्या वातावरणात पंधरा मिनिटे टाकीत प्लास्टिक फॅब्रिकेशनचे काम करून, परत बाहेर येऊन कपडे पिळून परत प्रत्येक पंधरा मिनिटांनी टाकीत जाऊन असे सात - आठ तास प्लास्टिक फॅब्रिकेशनचे काम करणे खूप कठीण व त्रासदायक काम होते. परंतु सचिन गोरड यांनी राजस्थानच्या तीव्र उष्णतेमध्ये, वेदनादयी वातावरणात हे त्यांचे काम प्रामाणिकपणे व जिद्दीने केले.
Flipkart Best Offer... Headphones & Speakers : Upto 80% Off... Limited Time Deal! Shop Now! For Special Discount Offers Click on Below 'Buy Now'
"राजस्थानमध्ये प्रचंड भयानक परिस्थितीत तीव्र उष्णतेमध्ये टाकीत जाऊन काम करणे हे खूप त्रासदायक होते. पंधरा मिनिटं टाकीच्या आत जाऊन प्लास्टिक फॅब्रिकेशनचे काम करून, परत बाहेर येऊन सगळी कपडे पिळून टाकावे लागायची, एवढी तीव्र उष्णता असायची त्यानंतर अंगावरती पाण्याची बादली टाकून, पुन्हा टाकीत जाऊन काम करावे लागायचे. असे दर पंधरा - पंधरा मिनिटांनी आत टाकीत जाऊन सलग सात - आठ तास हे कठीण काम आम्ही करायचो. त्यावेळेस खूप मोठा संघर्ष आम्हाला करावा लागला. सकाळी नाश्त्याला मला तीन-चार चपात्या खाण्याची सवय होती परंतु राजस्थानमध्ये साईटवरती आम्हाला सकाळचा एक चहा व एक पाच रुपयाचा बिस्किट पुडा मिळायचा नंतर नंतर त्यावरती भागायचं नाही त्यामुळे फक्त दोन बिस्कीटपुडे व पाण्यावरती आम्ही दिवस काढले. दुपारचा पुरी भाजीचा नाश्ता व संध्याकाळचे जेवण असायचे. आयुष्यातील खडतर काळ तुम्हाला खूप काही शिकवुन जातो." असे हॉटेल व्यवसायिक सचिन गोरड यांनी सांगितले.
आयुष्यात तुम्ही कुठल्याही क्षेत्रात काम करत असताना अनेक संकटांचा, अडचणींचा सामना करावा लागतो. रोज तीन-चार चपात्या नाश्त्याला खाण्याची सवय असणाऱ्या सचिन गोरड यांना एक चहा व एक बिस्कीट खावे लागायचे नंतर दोन छोटे बिस्कीटपुडे व पाण्यावरती दिवस काढावे लागले तरी त्यांनी हार मानली नाही. राजस्थानच्या प्रचंड वेदनादायी उष्णतेमध्ये दर पंधरा मिनिटे टाकीत जाऊन काम करून, असे सलग पंधरा - पंधरा मिनिटे करून सात -आठ तास प्लॅस्टिक फॅब्रिकेशनचे काम करणे ही अत्यंत कठीण, वेदनादायी गोष्ट त्यावेळेस त्यांनी अनुभवली. आयुष्यातील कठीण काळच माणसाला घडवत असतो. प्लास्टिक फॅब्रिकेशनच्या प्रोजेक्टवरती काम करत असताना सचिन गोरड यांना अनेक चांगल्या कंपनीच्या प्लास्टिक फॅब्रिकेशन प्रोजेक्टसाठी काम करण्याची संधी मिळाली.
"हर हर उद्योग समूहाच्या माध्यमातून देशाच्या कानाकोपऱ्यात मला काम करण्याची संधी मिळाली. संघर्ष जरी वाट्याला आला तरी मला खूप काही शिकायला मिळाले. पुणे जिल्ह्यातील, रांजणगाव एमआयडीसीमधील नामांकित फ्रिटॉले कंपनीच्या खूप कठीण अशा प्लास्टिक फॅब्रिकेशन जॉबसाठी आम्हाला काम करण्याची संधी मिळाली. तो ईटीपी प्लांट होता. पाणी फिल्टर करायच्या पाईपलाईनचा तो महत्वाचा जॉब होता. त्याच्या दोन मोठया टाक्यांचे खूप मोठे कनेक्शन करायचे होते. मी रोडवरती संपूर्ण मोजमाप घेऊन ड्रॉईंग करून, दोन टाक्यांच्या कनेक्शनचा मधला पीस एकदम ऍक्युरेट बनवला. त्यामुळे तो प्लास्टिक फॅब्रिकेशनचा किचकट, अवघड जॉब आम्ही यशस्वी पूर्ण केला. तो कठीण जॉब करत असताना लोखंडी फॅब्रिकेशनवाले कॉन्ट्रॅक्टर खूप अचंबित झाले. मला त्यावेळेस 7000 पगार होता. माझे त्या प्लास्टिक फॅब्रिकेशनच्या प्रोजेक्टवरचे कौशल्य पाहून त्या कॉन्ट्रॅक्टरने मला 12,000 पगाराची ऑफर दिली. पण मी ती नम्रपणे नाकारली. कारण हर हर उद्योगसमुहामध्ये मी प्रामाणिकपणे काम करत होतो." असे हॉटेल व्यवसायिक सचिन गोरड यांनी सांगितले.
पुण्यातील हरहर उद्योग समूहामध्ये सात वर्ष नोकरी केल्यानंतर सचिन गोरड यांनी नवा मार्ग स्वीकारला. राजस्थान वरून पुण्याला रेल्वेने आल्यानंतर, प्लास्टिक फॅब्रिकेशनचा प्रोजेक्ट पूर्ण झाल्यानंतर काही दिवसांनी सचिन गोरड यांनी हर हर उद्योगसमूहाचे नोकरी सोडली.
"राजस्थानमधील प्लास्टिक फॅब्रिकेशनचे प्रोजेक्ट यशस्वी पूर्ण करून आम्ही रेल्वेने मुंबईला आलो. प्लास्टिक फॅब्रिकेशनचे प्रोजेक्ट पूर्ण झाल्यानंतर काही दिवसांनी मी ही नोकरी सोडली. हरहर उद्योगसमूहामुळे मला देशभरात चांगल्या प्लास्टिक फॅब्रिकेशनच्या प्रोजेक्टवरती काम करण्याची संधी मिळाली. हरहर उद्योग समूहामध्ये सात वर्ष नोकरी केल्यानंतर पुढचं भविष्य मला खुणावत होते. ती नोकरी सोडल्यानंतर वरसगाव धरणाच्या पेंटिंगची काही महिने कामे केली व त्यानंतर एक वर्ष वेंकीज इंडियामध्ये सिक्युरिटीमध्ये काम केले." असे हॉटेल व्यवसायिक सचिन गोरड यांनी सांगितले.
पुण्यातील हरहर उद्योग समूहामध्ये काम करत असतानाच एके दिवशी सचिन गोरड यांच्या कुटुंबावरती दुःखाचा डोंगर कोसळला. सचिन गोरड 23 वर्षांचे असताना त्यांच्या वडिलांचे दुःखद निधन झाले. या मोठया धक्क्यातून सावरून सचिन गोरड यांनी कुटुंबासाठी महत्त्वाचे योगदान दिले.
"आमच्या गोरड कुटुंबीयांच्या प्रगतशील वाटचालीमध्ये आमच्या आई - वडिलांचे आशीर्वाद व मार्गदर्शन खूप महत्त्वाचे होते. आमचे वडील कानगावची शेती डेव्हलप करण्यासाठी खूप झिजले, खूप खस्ता खाल्ल्या, खूप संघर्ष केला. वडिलांचे अचानक दुःखद निधन झाल्यानंतर आमच्या कुटुंबावर खूप मोठा दुःखाचा डोंगर कोसळला. त्या दुःखातून सावरून आम्ही सर्व कुटुंबीयांनी एकजुटीने पुढची वाटचाल केली." असे हॉटेल व्यवसायिक सचिन गोरड यांनी सांगितले.
वरसगाव धरण परिसरामध्ये केंद्र सरकारच्या बीएसएफचे काम चालू होते ही संधी ओळखून सचिन गोरड यांनी पुन्हा आपल्या मूळ गावी वरसगावला येण्याचा खूप महत्त्वाचा निर्णय घेतला.
"पुण्यातील हरहर उद्योग समूहामध्ये काम करत असताना पुन्हा आमच्या मूळ गावी वरसगावला येणे हा माझ्या आयुष्यातील खूप मोठा टर्निंग पॉईंट ठरला. वरसगाव धरण परिसरात बीएसएफचे काम चालू होते ही जाहिरात पाहिल्यानंतर मला भविष्यातील व्यवसायाची संधी दिसली त्यामुळे पुन्हा वरसगावला राहण्यासाठी आलो. वरसगावमधील आमचे जुने घर पडलेले होते त्यामुळे दोन वर्ष भाड्याच्या घरात राहिलो. प्लास्टिक फॅब्रिकेशनची नोकरी वरसगाव ते पुणे असा प्रवास करून केली. गुरुवारच्या सुट्टीमध्ये लाकडे गोळा करून छप्पर बांधण्याचा प्रयत्न केला. पण शेवटी गावातील दोन-तीन लोकांना घेऊन, एक छोटसं छप्पर राहण्यासाठी तयार केले. मी, माझी आई व माझी पत्नी आम्ही त्या छोट्याशा छपरात देखील आनंदाने राहत होतो. त्यावेळेस मी हरहर उद्योग समूहातील नोकरी सोडून, काही महिने धरणावर पेंटिंगचे काम केल्यानंतर, वेंकीज इंडियामध्ये सिक्युरिटीमध्ये नोकरी करत होतो. एवढी वर्ष महाराष्ट्रात, देशाच्या कानाकोपऱ्यात वेगवेगळ्या क्षेत्रांमध्ये काम करून पुन्हा वरसगावमध्ये येऊन शून्यातून आपलं साम्राज्य उभे करणे त्या काळी खूप कठीण गोष्ट होती."असे हॉटेल व्यवसायिक सचिन गोरड यांनी सांगितले.
वेंकीज इंडिया कंपनीत सिक्युरिटीमध्ये नोकरी करत असताना सचिन गोरड यांना भविष्यातील व्यवसायाची संधी दिसू लागली होती. अनेक वर्ष नोकरी गेल्यानंतर स्वतःचा छोटासा का होईना व्यवसाय असावा असा विचार त्यांच्या मनात त्याकाळी येत होता. वेंकीज इंडियामध्ये सिक्युरिटीमध्ये काम करत असताना, नाईट शिफ्ट ज्यावेळेस चालू असेल त्यावेळेस आठवड्यातल्या शनिवार व रविवारी सचिन गोरड यांनी वरसगाव धरण परिसरात भाजलेली कणसे विकण्याचा छोटासा व्यवसाय चालू केला. या कणसे विक्रीच्या व्यवसायाला चांगला प्रतिसाद मिळाल्यानंतर, सचिन गोरड यांनी प्रतिकूल परिस्थितीवर मात करून वरसगावमध्ये छोटेसे हॉटेल चालू करून आईचे स्वप्न पूर्ण केले.
"मी वेंकीज इंडिया कंपनीच्या सिक्युरिटीमध्ये नोकरी करत असताना नाईट शिफ्टला असताना शनिवार - रविवार वरसगाव धरणावरती खूप गर्दी असायची त्यामुळे मी शनिवार - रविवारी भाजलेल्या मक्याची कणसे विकायचा एक स्टॉल चालू केला. त्या कणसाच्या ठेल्याला खूप चांगला प्रतिसाद मिळाला. दोन दिवसात कणसाची दोन पोती संपवुन आम्हाला पंधराशे रुपये मिळायचे. या कामात माझे पुतणे सौरभ व गुरुप्रसाद मदत करायचे. वरसगाव धरण परिसरात एक आमचा कणसाचा ठेला असायचा व पानशेत धरण परिसरात दुसरा कणसाचा ठेला असायचा. आमच्या पहिल्या व्यवसायाला खूप चांगला प्रतिसाद मिळाला होता. वरसगाव बोटिंगच्या कॅन्टीनमध्ये जेवण, नाश्ता कसे बनवतात? ग्राहकांना कशी सेवा देतात हे मी खूप जवळून निरीक्षण करायचो. खरं तर तिथूनच आपलं स्वतःचं चहा - भज्याचे एक छोटासे हॉटेल चालू करावा असा विचार मनात आला. आईचा पाठिंबा व प्रेरणा होती. 9 जून 2013 ला एक छोटेसे छप्पर टाकून, चहा व भजाचे एक छोटे हॉटेल आम्ही "हॉटेल वरसगाव चौपाटी" सुरू केले." असे हॉटेल व्यवसायिक सचिन गोरड यांनी सांगितले.
वरसगाव धरणाच्या भिंती रंगवणारा मुलगा ते वरसगाव धरणावरती मक्याची कणसे विकणारा मुलगा ते आईचे स्वप्न पूर्ण करण्यासाठी हॉटेल वरसगाव चौपाटी सुरू करणारा तरुण हा प्रवास त्याकाळी सोपा नव्हता.
"आमच्या आईच्या डोळ्यासमोर आमचा नवीन व्यवसाय दिसला पाहिजे. आईचे स्वप्न पूर्ण झाले पाहिजे या प्रेरणेतूनच 9 जून 2013 रोजी छोट्या छपरात छोटेसे हॉटेल वरसगाव येथे चालू केले. छपराच्या बांबूवरती फ्लेक्स लावून त्या आमच्या छोट्याशा चहा - नाष्टयाच्या हॉटेलची सुरुवात होती. आईला झालेला कॅन्सर हे आमच्या कुटुंबावरचे खूप मोठे संकट होते. परंतु त्या संकटाशी दोन हात करत असतानाच आईच्या डोळ्यातील स्वप्न पूर्ण करणे आमचे कर्तव्य होते. आमच्या आईची मैत्रीण विमल गोरड यांनी त्यावेळेस हॉटेलच्या भांडवलासाठी अडीच हजार रुपयांची मदत केली त्यामध्ये हॉटेलचे संपूर्ण साहित्य स्टोव्ह, किटली, कढई, झारा, थाळ्या, चहाचे भांडे, किटली याची खरेदी केली. प्रतिकूल परिस्थितीशी संघर्ष करत, आईच्या डोळ्यासमोर आमचा हॉटेल व्यवसाय चालू होणे हे खूपच समाधानकारक व प्रेरणादायक होते." असे हॉटेल व्यवसायिक सचिन गोरड यांनी सांगितले.
"कुठलाही व्यवसाय सुरू करायचा म्हटलं तर चांगला मुहूर्त, चांगला वार पाहिला जातो परंतु आमच्या हॉटेलची सुरुवात शनिवारी झाली. काही लोकांना वाटले असेल शनिवारची सुरुवात म्हटल्यानंतर खराब दिवस जाणार पण हॉटेल सुरू केलेल्या पहिल्या दिवशीच अडीच तासांमध्ये चहा व गरम भजी ग्राहकांना देऊन, उत्तम सेवा देऊन, अडीच हजार रुपये हॉटेलचा धंदा झाला. आचाऱ्याने चहा व भजी बनवल्यानंतर एकही ग्राहक आमचे हॉटेलकडे आले नव्हते. मग मीच भजी प्लेट घेऊन खात खात जात वरसगाव धरणाकडे गेल्यानंतर पर्यटकांना, ग्राहकांना ते दिसल्यानंतर आपोआप सर्व गर्दी आमच्या हॉटेलकडे आली. छोट्याशा सपरात, हातगाडीवर चालू केलेल्या छोट्याशा हॉटेलमध्ये फक्त अडीच तासांमध्ये चहा व भजी ग्राहकांना देऊन, अडीच हजार रुपये कमावले याचा आम्हाला खूप आनंद व समाधान होते." असे हॉटेल व्यवसायिक सचिन गोरड यांनी सांगितले.
वरसगावमध्ये मक्याच्या कणसाच्या विक्रीपासून सुरू झालेला सचिन गोरड यांचा प्रवास महाराष्ट्रातील हजारो ग्राहकांना उत्तम सेवा देणाऱ्या हॉटेल वरसगाव चौपाटी पर्यंत कधी पोहोचला हे त्यांच्याही लक्षात आले नाही. पुणे जिल्ह्यातील निसर्गरम्य ठिकाण असणाऱ्या वरसगाव धरण या नावावरून "हॉटेल वरसगाव चौपाटी" हे नाव त्यांनी त्यांच्या नवीन हॉटेल व्यवसायासाठी दिले. छोट्याशा छपरामध्ये चालू केलेल्या या हॉटेलच्या सुरुवातीच्या काळात सचिन गोरड यांचे पुतणे सौरभ गोरड व गुरुप्रसाद गोरड इयत्ता सातवी - आठवीमध्ये मध्ये शिकत असतानाही चुलत्याला हॉटेल व्यवसायासाठी मदत करत होते. सचिन गोरड यांच्या कुटुंबातील सर्वच सदस्य, महिलावर्ग सर्वांचे या नवीन हॉटेलसाठी प्रचंड मोठी साथ होती.
"आमच्या वरसगाव या गावाच्या नावावरून व आमच्या धरणाकडे चौपाटी सारखा परिसर असल्यामुळे आमच्या नवीन हॉटेलला आम्ही "हॉटेल वरसगाव चौपटी" हे नाव दिले. हॉटेल सुरू केल्यानंतर शनिवार - रविवारी पर्यटक असल्यामुळे चांगला धंदा असायचा परंतु सोमवार ते शुक्रवार ग्राहक खूप कमी असायचे. त्यावेळेस घरातील जेष्ठ मंडळींना मी नोकरी करत व्यवसाय करतो असं सुचवले परंतु त्यांनी त्यास साफ नकार दिला व हॉटेल व्यवसायच पूर्णवेळ करण्यासाठी पाठिंबा दिला. छोटेसे हॉटेल चालू केल्यानंतर त्या काळामध्ये हॉटेल व्यवसाय वाढवणे खूप आव्हानात्मक होते परंतु आम्ही ते आव्हान स्वीकारून ग्राहकांना उत्तम सेवा देण्याचा प्रामाणिकपणे प्रयत्न केला." असे हॉटेल व्यवसायिक सचिन गोरड यांनी सांगितले.
कुठलाही व्यवसाय सुरू केला तर सुरुवातीच्या काळात अनेक अडचणींना व संकटांना तोंड द्यावे लागते. छोटेश्या सपरात सुरू केलेला हॉटेल व्यवसाय वाढवण्यासाठी सचिन गोरड यांनी त्याकाळी जिद्दीने, चिकाटीने, प्रचंड मेहनत घेतली.
Samsung Mobile.. Best Buy is Live! Lowest Prices on Samsung Mobiles. For Special Discount Offers Click on Below 'Buy Now'
Buy Now
"आमचे हॉटेल वरसगाव चौपाटी सुरू झाल्यानंतर चहा, भजी नाष्टयाला खूप चांगला प्रतिसाद होता. शनिवार - रविवार धरणावरती पर्यटक असायचे त्यामुळे आमचा खूप चांगला धंदा व्हायचा. परंतु सोमवार ते शुक्रवार खूप कमी ग्राहक असायचे. तरीही आम्ही खचलो नाही. वरसगावमध्ये केंद्र सरकारच्या बीएसएफच्या बिल्डिंगचे काम चालू होतं त्यामुळे मी त्या बिल्डिंगसाठी काम करणाऱ्या लेबरसाठी एका हातात चहाची किटली व दुसऱ्या हातात वडापाव, पॅटीस, चॉकलेट घेऊन थेट साइटवरती जायचो. पहिल्या दिवशी एकही चहा कुणी घेतला नाही. दुसऱ्या दिवशी फक्त दोन चहा गेले. पण मी खचलो नाही माझे प्रयत्न चालूच ठेवले. काही दिवसानंतर त्या लेबर लोकांना आमचा चहा, नाष्टा खूप आवडायला लागल्यामुळे, एका तासात सातशे रुपये धंदा व्हायचा. सोमवार ते शुक्रवार पाच दिवस लेबरसाठी चहा, पोहे, उपीट, मॅगी, उत्कृष्ट नाष्टा आम्ही हॉटेलमध्ये द्यायचो व शनिवार रविवार धरणावरती येणाऱ्या पर्यटकांना चहा, भजी, पिठलं भाकरी देऊन, उत्तम सेवा देऊन अल्पावधीतच आमच्या हॉटेलचा व्यवसाय वाढला. ग्राहकांच्या चेहऱ्यावरील समाधान आमच्यासाठी खूप मोठी ऊर्जा होती." असे हॉटेल व्यवसायिक सचिन गोरड यांनी सांगितले.
देशाच्या काना - कोपऱ्यात विविध ठिकाणी सचिन गोरड यांनी वेगवेगळ्या क्षेत्रांमध्ये काम केल्यामुळे ग्राहकांना,लोकांना नक्की काय लागतं याची नस त्यांनी पकडलेले होती. ग्राहकांना हॉटेलमध्ये उत्तम जेवणासोबतच, मनोरंजन हे गरजेचे असते हे त्यांनी त्यावेळेस ओळखले होते.
"आमच्या हॉटेलमध्ये ग्राहकांसाठी उत्तम दर्जाचे जेवण, नाष्टा, चहा मिळत होतेच परंतु त्यासोबत त्यांच्या मनोरंजनाचीही आम्ही व्यवस्था केली. वरसगावमध्ये बीएसएफच्या बिल्डिंगचे काम करणाऱ्या लेबर लोकांसाठी आम्ही टीव्ही व फ्रिज घेतला. लेबर लोकांना, ग्राहकांना उत्तम मनोरंजन मिळाले पाहिजे. त्यामुळे टीव्हीचा खूप उपयोग झाला. आमच्या हॉटेलमधला टीव्ही सकाळी 6 वाजल्यापासून चालू असायचा ते रात्री 12 वाजेपर्यंत चालू असायचा दिवसभर लेबर लोक, ग्राहक टीव्ही पाहत चहा, नाश्ता, जेवणाचा आस्वाद घेत होते. त्याकाळी चाळीस हजार रुपयांचे कर्ज काढून मी टीव्ही व फ्रिज विकत घेतला. त्याचा आमच्या हॉटेल व्यवसायासाठी खूप फायदा झाला." असे हॉटेल व्यवसायिक सचिन गोरड यांनी सांगितले.
हॉटेल वरसगाव चौपाटीची सुरुवात जरी चहा - भजी व नाष्टा यापासून झाली असले तरी त्यानंतर पिठलं भाकरी, अंडा करी, चिकन थाळी व मटन थाळी या प्रसिद्ध मेनूमुळे अल्पावधीतच हॉटेल वरसगाव चौपाटी हजारो ग्राहकांपर्यंत पोहोचले. निसर्गरम्य अशा वरचगाव धरणाच्या कुशीत असणाऱ्या या हॉटेलमध्ये घरगुती खास मसाल्यातील, उत्कृष्ट चवीचे चिकन, मटन, शाकाहारी जेवण मिळत असल्यामुळे महाराष्ट्रातील हजारो ग्राहकांनी अल्पावधीतच खूप चांगला प्रतिसाद दिला. चिकन, मटण, मासे आणून हॉटेल वरसगाव चौपाटीमध्ये जेवण बनवायला देणारे सुद्धा भरपूर ग्राहक आहेत.
"हॉटेल वरसगाव चौपाटीचे सर्वेसर्वा सचिन गोरड यांचा प्रामाणिकपणा, नम्रता, जिद्द, चिकाटी, मेहनत, प्रेमळ स्वभाव व कुटुंबातील सर्व सदस्यांची साथ व ग्राहकांना दिलेली उत्तम सेवा व उत्कृष्ट दर्जाचे चविष्ट जेवण यामुळे अल्पावधीतच हॉटेल वरसगाव चौपाटी हे सिंहगड रोड, पानशेत रोड परिसरातील व फार्म हाऊसच्या पंढरीतील ब्रँड झाले."
हॉटेल वरसगाव चौपाटीच्या सुरुवातीच्या काळातील प्रगतीचा टप्पा सचिन गोरड यांच्या आईसाहेबांनी पाहिल्यामुळे ते खूप मोठे समाधान त्यांच्यासाठी होते. कुठल्या आईला आपल्या मुलांची झालेले मोठी प्रगती खूप आनंद व समाधान देणारी असते.
Ajio Best Offer.. Casual Wear : Upto 90% Off | Starting at Rs 200... Shop Now! For Special Discount Offers Click on Below 'Buy Now'
"आमच्या आईच्या डोळ्यासमोर आमचा सुरू झालेला हॉटेल व्यवसाय, हॉटेल वरसगाव चौपाटीचा सुरुवातीचा प्रगतीचा टप्पा तिला पाहता आला याचे आम्हाला खूप समाधान वाटते. आपल्या मुलाने काहीतरी चांगला व्यवसाय सुरू केला याचे तिला खूप समाधान होते. तिच्या डोळ्यातील स्वप्न पूर्ण करणे हे आमच्यासाठी खूप ऊर्जा देणारे होते. आमच्या कुटुंबाच्या, हॉटेल व्यवसायाच्या प्रगतशील वाटचालीमध्ये आमच्या आई-वडिलांचे आशीर्वाद, संस्कार व मार्गदर्शन याचे खूप मोठे योगदान आहे." असे हॉटेल व्यवसायिक सचिन गोरड यांनी सांगितले.
कॅन्सर झालेल्या आईचा संघर्ष चालू असताना, आईच्या डोळ्यासमोर मुलांच्या प्रगतशील वाटचालीचा टप्पा सुरू होण्यासाठी गोरड कुटुंबीयांनी प्रचंड कष्ट व मेहनत घेतली.
"माझी आई खूप प्रेमळ व मायाळू होती. माझ्या आईला कॅन्सर झाल्यानंतर आमच्या कुटुंबावरती खूप मोठा दुःखाचा डोंगर कोसळला. त्याकाळी सिटीस्कॅन करण्यासाठी 25000 रुपये लागत होते परंतु आमच्याकडे 25 रुपये नसतानाही, आम्ही संघर्ष करून, प्रतिकूल परिस्थितीशी लढा देऊन, अडचणीतून मार्ग काढून, आईची कॅन्सरची ट्रीटमेंट पुणे शहरात डीवायपाटील हॉस्पिटल, बुधरानी हॉस्पिटल व सिपला कॅन्सर रिसर्च सेंटर येथे केली. ते दिवस आमच्यासाठी खूप वेदनादायी होते. परंतु शेवटपर्यंत आम्ही आईला वाचवण्यासाठी प्रयत्न केले. कॅन्सरमुळे आईचा मृत्यू झाल्यामुळे आमच्या कुटुंबावरती दुःखाचा खूप मोठा डोंगर कोसळला. जगातील फार मोठी शक्ती ही आपली आई असते." असे हॉटेल व्यवसायिक सचिन गोरड यांनी सांगितले.
आईचा कॅन्सरने मृत्यू झाल्यानंतर या खूप मोठ्या धक्क्यातून गोरड कुटुंबीयांनी सावरून, पुढचा प्रवास चालू केला. हॉटेल वरसगाव चौपाटीमध्ये महाराष्ट्राच्या कानाकोपऱ्यातून हजारो ग्राहक येतात. वरसगावमध्ये बीएसएफच्या बिल्डिंगचे काम चालू असताना शेकडो लेबर, कामगार या हॉटेलमध्ये चहा,नाष्टा व जेवण करण्यासाठी येत असत. त्या कामगारांना कुठल्याही गोष्टीची कमी पडली नाही पाहिजे या उद्देशाने सचिन गोरड यांनी हॉटेलमध्ये छोटेसे किराणा मालाचे दुकान चालू केले.
"आमच्या हॉटेलमध्ये येणारा लेबर वर्ग, कामगार वर्ग यांना कुठल्याही गोष्टीची कमी पडले नाही पाहिजे. त्यांना लागणाऱ्या सर्व वस्तू मिळाल्या पाहिजेत. त्यामुळेच आम्ही हॉटेलमध्ये एक छोटेसे किराणा मालाचे दुकान चालू केले. त्यालाही खूप चांगला प्रतिसाद मिळाला. आठवड्याचे आम्ही 21 हजाराचे किराणा मालाचे सामान लेबर लोकांना उधार द्यायचो परंतु त्यांचा पगार झाल्यानंतर ते आम्हाला वेळेवरती पेमेंट देत असायचे. त्याकाळी हॉटेलचा व्यवसाय व किराणा मालाचा व्यवसाय याची लाखो रुपयांची उलाढाल व्हायची. आमच्या हॉटेलच्या ग्राहकांना सेवा देण्यामध्ये आम्ही कुठेच कमी पडलो नाही. आमच्या हॉटेलमध्ये येणाऱ्या ग्राहकांना चहा, नाष्टा, जेवण, किराणामालाच्या सर्व वस्तू , कोल्ड्रिंक्स या सर्व सेवा आम्ही प्रामाणिकपणे दिल्या." असे हॉटेल व्यवसायिक सचिन गोरड यांनी सांगितले.
वरसगाव मधील बीएसएफचे काम पूर्ण झाल्यानंतर, बीएसएफ मधील जवान, सैनिक हॉटेल वरसगाव चौपाटीच्या शाकाहारी व मांसाहारी उत्कृष्ट चवीच्या जेवणाचा आस्वाद घ्यायला येत असत. हॉटेल वरसगाव चौपाटीची प्रसिद्ध चिकन थाळी या बीएसएफ जवानांना खूप आवडायची.
"बीएसएफचे काम पूर्ण झाल्यानंतर बटालियन इथे आल्यानंतर बीएसएफचे जवान आवर्जून आमच्या हॉटेल वरसगाव चौपाटीची खास चिकन थाळी खाण्यासाठी येत. ज्यावेळेस बीएसएफचे जवान कुटुंबासहित आमच्या हॉटेल वरती आवर्जून जेवायला यायचे त्यावेळेस खूप समाधान वाटायचे. बीएसएफ कॅम्पमध्ये जेवणाची उत्तम सोय असून देखील आवर्जून हॉटेल वरसगाव चौपाटीची चिकन थाळी, मटन थाळी खाण्यासाठी जवान कुटुंबासहित यायचे त्यावेळेस खूप आनंद वाटायचा. देशाची सेवा करणारा जवान ज्यावेळेस आमच्या हॉटेलमध्ये आनंदाने, समाधानाने जेवण करायचे ती आमच्यासाठी खूप मोठी ऊर्जा असायची." असे हॉटेल व्यवसायिक सचिन गोरड यांनी सांगितले.
सिंहगड रोड, वरसगाव धरण - पानशेत धरण परिसरात फार्महाऊसची पंढरी आहे. एका पेक्षा एक भारी रिसॉर्ट आहेत. तरीदेखील ग्राहक कुठल्याही फार्महाउसला रिसॉर्टला राहायला गेले तरी जेवण करायला मात्र आवर्जून हॉटेल वरसगाव चौपाटी या ब्रँडकडेच यायचे. हा विश्वास सचिन गोरड यांनी कमावलेला होता.
"आमचा वरसगाव धरण परिसर, पानशेत धरण परिसर व सिंहगड रोडवरती एक से बढकर एक रिसॉर्ट, फार्महाऊस असले तरीही आमच्या हॉटेल वरसगाव चौपाटीला फार्महाऊस वरून जेवण करायला येणाररा खास वर्ग आहे. आमचे घरगुती मसाल्यातले, चुलीवरचे चविष्ट जेवण लोकांना आवडतं त्यामुळे फार्महाउसला राहिला आलेले लोक सुद्धा खास जेवण करायला आमच्या हॉटेलवरती येतात. फार्महाउसला राहिला आलेले ग्राहक दहा किलोमीटरचा प्रवास करून खास जेवणासाठी आमच्या हॉटेल वरसगाव चौपाटीला येतात. एक मारवाडी कुटुंब खास आमच्या हॉटेलचे पिठलं - भाकरी व व्हेज थाळी खाण्यासाठी आठवड्यातून दोन वेळा येतात. अशी शेकडो उदाहरणे आहेत. आमच्या हॉटेल वरती प्रेम करणारे हजारो ग्राहक आहेत. फार्महाऊस पॅकेजमध्ये जेवणाचे पैसे तिकडे देऊन परंतु जेवायला मात्र आमच्या हॉटेल वरसगाव चौपाटीला येणारे बरेचशे ग्राहक आहेत. महाराष्ट्रात हजारो ग्राहकांचा विश्वास आम्ही संपादन केलेला आहे." असे हॉटेल व्यवसायिक सचिन गोरड यांनी सांगितले.
सह्याद्रीच्या दऱ्या - खोऱ्यातील निसर्गरम्य अश्या वरसगाव धरणाच्या परिसरामध्ये हॉटेल वरसगाव चौपाटीने "कॅम्पिंग" चालू केल्यानंतर त्याला खूप चांगला प्रतिसाद मिळाला.
"आमच्या हॉटेल वरसगाव चौपाटीला चविष्ट जेवण खायला येणारे ग्राहक अनेक वेळा कॅम्पिंग विषयी विचारायचे. तरुणांचा एक ग्रुप होता त्यांना जंगल परिसरात कॅम्पिंग करायचे होते. निसर्गरम्य अश्या वरसगाव धरणाच्या परिसरामध्ये जंगल परिसर व कॅम्पिंगसाठी सुंदर वातावरण असल्यामुळे, त्यांना आमच्या वरसगाव चौपाटी हॉटेलच्या कॅम्पिंगच्या माध्यमातून जंगल परिसरात छान टेन्ट लावून देऊन, शेकोटीच्या उजेडावरती, निसर्गरम्य वातावरणात त्या ग्राहकांनी चविष्ट जेवणाबरोबर व म्युझिक लाऊन कॅम्पिंगचा आनंद घेतला. त्या सात लोकांना आमचे हॉटेल वरसगाव चौपाटी कॅम्पिंग आवडल्यानंतर त्यांनीच व्हिडिओ बनवून सोशल मीडिया वरती वायरल केल्यामुळे आमच्या हॉटेल वरसगाव चौपाटी कॅम्पिंगला खूप चांगला प्रतिसाद मिळाला." असे हॉटेल व्यवसायिक सचिन गोरड यांनी सांगितले.
निसर्गरम्य अशा वरसगाव धरणाच्या काठावरती हॉटेल वरसगाव चौपाटी कॅम्पिंगचा आनंद घेण्यासाठी शेकडो ग्राहक येतात. चविष्ट शाकाहारी व मांसाहारी जेवण, शेकोटी बार्बेक्यू, म्युझिक व हॉटेल वरसगाव चौपाटीचे उत्कृष्ट सेवा यामुळे महाराष्ट्राच्या कानाकोपऱ्यातून हॉटेल "वरसगाव चौपाटी कॅम्पिंगला" शेकडो ग्राहक येत असतात.
"आमचा निसर्गरम्य, सुंदर असा वरसगाव धरण परिसर हजारो पर्यटकांना आकर्षित करतो. वरसगाव धरणाच्या काठावरचा सुंदर निसर्ग, वेड लावणारे धरणाचे पाणी व हिवाळ्यातील निसर्गाचा सुंदर नजारा तर स्वर्गाहून सुंदर असतो. महाराष्ट्राच्या कानाकोपऱ्यातून हजारो ग्राहक आमच्या हॉटेल वरसगाव चौपाटीला चविष्ट जेवण करण्यासाठी, कॅम्पिंगला तर येतातच त्याबरोबर परदेशी ग्राहक व गोव्याचे ग्राहकही आवर्जून आमच्या हॉटेल वरसगाव चौपाटीच्या चविष्ट जेवणाचा आस्वाद घेण्यासाठी येतात. मुंबई, नाशिक, नागपूर, कर्नाटकातीलही तरुणांचा ग्रुपही आमच्या हॉटेल वरसगाव चौपाटीच्या उत्कृष्ट जेवणाचा आनंद घेण्यासाठी व कॅम्पिंगसाठी येतात त्यावेळेस खूप समाधान वाटते." असे हॉटेल व्यवसायिक सचिन गोरड यांनी सांगितले.
हॉटेल वरसगाव चौपाटीची शाकाहारी थाळी, अंडा करी, चिकन थाळी, मटन थाळी प्रसिद्ध आहेच परंतु त्याबरोबर बरेचशे ग्राहक स्वतः चिकन, मटन, मासे घेऊन येतात आणि हॉटेल वरसगाव चौपाटी फक्त बनवायचे पैसे (चार्जस) घेऊन त्यांना दर्जेदार व चविष्ट जेवणाची सेवा देतात.
कुठल्याही व्यावसायिकाच्या आयुष्यात चढ-उतार असतात. अनेक संकटांना, अडचणींना तोंड द्यावे लागते. हॉटेल वरसगाव चौपाटीची प्रगतशील वाटचाल चालू असताना 2025 ला पाटबंधारे विभागाच्या अतिक्रमण विभागाने या हॉटेल वरसगाव चौपाटीवरती कारवाई करून, हॉटेलचे स्ट्रक्चर पाडून टाकून कडक कारवाई केली. हॉटेल वरसगाव चौपाटीचे एवढे मोठे साम्राज्य, एवढे मोठे वैभव इतक्या वर्षात उभे केलेले काही क्षणात उध्वस्त होणे हे गोरड कुटुंबियांसाठीखूपच खूपच भयानक व दुःखद होते.
"आमच्या हॉटेल वरसगाव चौपाटीवरती पाटबंधारे विभागाच्या अतिक्रमण विभागाने केलेली कडक कारवाई आमच्यासाठी खूप मोठा धक्का होता. हॉटेलचं एवढं मोठं साम्राज्य काही क्षणात उध्वस्त झाल्यानंतर त्यातून पुन्हा शून्यातून उभ राहणे त्याकाळी खूप कठीण होते. पण आमच्या हॉटेल वरसगाव चौपाटीच्या ग्राहकांनी आम्हाला खूप मोठा आधार व ऊर्जा दिली. हॉटेलवर झालेल्या कारवाईमध्ये हॉटेल संपूर्णपणे तोडल्यानंतरही आमचे ग्राहक येतच होते त्यांना आम्ही आमच्या घरामध्ये नाश्ता, जेवण बनवून धरणाच्या चौपाटीवरती चटई वरती बसवुन नाश्ता व जेवण देऊन प्रामाणिकपणे सेवा देत होतो. पुन्हा काही दिवसानंतर हॉटेल नव्याने उभारून, आमच्या गोरड कुटुंबाच्या एकजुटीने व आमच्या हॉटेल वरसगाव चौपाटीच्या हजारो ग्राहकांच्या आशीर्वादाने, पाठिंब्याने आमच्या हॉटेल वरसगाव चौपाटीची नवीन भरारी घेण्यासाठी आम्ही सज्ज झालो." असे हॉटेल व्यवसायिक सचिन गोरड यांनी सांगितले.
अनेक वर्ष जिद्दीने, चिकाटीने, मेहनतीने, कुटुंबाच्या एकजुटीने मोठा केलेला हॉटेल व्यवसाय काही क्षणात उध्वस्त झाल्यानंतर पुन्हा शून्यातून आपले साम्राज्य उभे करणे सोपे नसते. परंतु सचिन गोरड यांनी पुन्हा निर्भीडपणे, जिद्दीने, चिकाटीने, कुटुंबाच्या एकजूटतेने व हजारो ग्राहकांच्या पाठिंब्याने, आशीर्वादाने, हॉटेल वरसगाव चौपाटीची प्रगतशील वाटचाल सुरू केली. पुन्हा हजारो ग्राहकांच्या सेवेमध्ये हॉटेल वरसगाव चौपाटीने यशस्वी भरारी घेतली.
हॉटेल वरसगाव चौपाटीचे सर्वेसर्वा सचिन गोरड यांच्या कुटुंबाची एकजूटता, चुलता पुतण्याचे प्रेम व एकजुटता, कुटुंबातील महिलांचे योगदान व सचिन गोरड यांनी त्यांचे पुतणे गुरुप्रसाद गोरड यांच्या उच्च शिक्षणासाठी व पोलीस भरती होण्यासाठी केलेले मार्गदर्शन व साथ अत्यंत महत्त्वाची होती. सचिन गोरडे यांचे पुतणे सौरभ गोरड यांनी हॉटेल वरसगाव चौपाटीच्या प्रगतशील वाटचालीसाठी दिलेली साथ, कुटुंबातील महिला वर्गाची साथ हॉटेल वरसगाव चौपाटीच्या प्रगतशील वाटचालीतला महत्त्वाचा टप्पा आहे.
"आमच्या हॉटेल वरसगाव चौपाटीच्या प्रगतशील वाटचालीमध्ये आमच्या कुटुंबातील सर्व सदस्यांची एकजूटता, आमच्या महिला वर्गाची साथ, माझा भाऊ, माझे पुतणे गुरु व सौरभ यांनी दिलेली साथ, माझ्या मुलांची साथ ही खूप महत्त्वाची आहे. माझा पुतण्या गुरुप्रसाद पोलीस झाला, पुणे पोलीस दलात भरती झाला हा आमचा कुटुंबातील खूप आनंदाचा दिवस होता. त्या काळात आमच्या कुटुंबातील दोन्ही मुलांना शिकवण्याची आमची आर्थिक परिस्थिती नव्हती तरी गुरुच्या उच्च शिक्षणासाठी व पोलीस भरतीसाठी आम्ही साथ दिली. माझा पुतण्या सौरभने उच्च शिक्षणाचा त्याग करून हॉटेल व्यवसायाला साथ दिली त्यामुळेच आम्ही आमचा हॉटेल व्यवसाय वाढवु शकलो. आमचा गुरुप्रसाद पोलीस भरती झाल्यानंतर आमच्या कुटुंबाला खूप मोठा आनंद झाला. मी अर्धा तास आनंदाने रडत होतो. गुरुने घेतलेले कष्ट, मेहनत, त्याचे फळ मिळाले होते. आमच्या गोरड कुटुंबीयांसाठी अभिमानास्पद कामगिरी गुरूने केली होती." असे हॉटेल व्यवसायिक सचिन गोरड यांनी सांगितले.
"कुठल्याही व्यवसायात कुटुंबांची साथ असेल तर तो व्यवसाय वेगाने प्रगतीचे टप्पे गाठतो. माझा पुतण्या सौरभ गोरड याने उच्च शिक्षणाचा त्याग करून, आमच्या हॉटेल वरसगाव चौपाटीच्या प्रगतशील वाटचालीमध्ये खूप महत्त्वाची साथ दिली. सौरभचा स्वभाव खूप प्रेमळ व नम्र आहे. तो उत्तम कुक आहे. आमच्या हॉटेलमधील ग्राहकांना उत्तम सेवा देण्यासाठी सौरभ खूप मेहनत घेतो. त्यामुळे शेकडो ग्राहक त्याच्या हॉटेल सेवेवरती समाधान व्यक्त करतात. आमच्या कुटुंबाची एकजूट हीच आम्हाला लढण्याचे बळ देते." असे हॉटेल व्यवसायिक सचिन गोरड यांनी सांगितले.
"कुटुंबामध्ये, व्यवसायामध्ये स्त्रीशक्तीचे योगदान असेल तर ते कुटुंब, तो व्यवसाय वेगाने पुढे जातो. आमच्या हॉटेल वरसगाव चौपाटीच्या प्रगतशील वाटचालीमध्ये आमच्या कुटुंबातील महिला वर्गाचे खूप महत्त्वाचे योगदान आहे. आमच्या वहिनी, माझी पत्नी, यांचे महत्त्वाचे योगदान आहे. आमच्या हॉटेलला येणारा ग्राहक कितीही उशिरा जरी आला तरी त्याला जेवण बनवून देण्यासाठी, चविष्ट जेवणाची उत्तम सेवा देण्यासाठी आम्ही टाळाटाळ करत नाही. कारण आमच्या कुटुंबातील महिला वर्गाची भक्कम साथ असल्यामुळे हजारो ग्राहकांचे प्रेम आमच्या हॉटेल वरसगाव चौपाटीला मिळाले." असे हॉटेल व्यवसायिक सचिन गोरड यांनी सांगितले.
शालेय शिक्षण घेत असले तरी सचिन गोरड यांच्या मुलांचीही हॉटेल वरसगाव चौपाटीच्या कामांमध्ये मदत मिळते. मुलांनी शिक्षण घेत असताना व्यवसायाचेही बाळकडू मिळले पाहिजे. या भूमिकेतून मुलांना घडवण्यासाठी सचिन गोरड नेहमीच प्रयत्नशील असतात.
"आयुष्यामध्ये शालेय शिक्षण महत्वाचे आहेच पण त्याचबरोबर व्यवसायाचे धडे मिळाले पाहिजे त्यामुळेच मी माझ्या मुलांना आवर्जून हॉटेलमधील वेटर पासून ते जेवण बनवण्याच्या प्रक्रियेमधील सर्व गोष्टी शिकवण्याचा प्रयत्न करतो. हॉटेलमध्ये वेटर म्हणून काम करत असताना शेकडो ग्राहकांचा मिळणारा अनुभव भविष्यातील व्यवसायिक वाटचालीसाठी महत्त्वाचा असतो. आजकालच्या मुलांना चांगले संस्कार, चांगल्या शिक्षणाबरोबर व्यवसायाचे धडे मिळणेही खूप आवश्यक आहे." असे हॉटेल व्यवसायिक सचिन गोरड यांनी सांगितले.
31 डिसेंबरची भव्य दिव्य पार्टी, आखाडा पार्टी, शनिवार - रविवार येणारे पर्यटक, हॉटेल वरसगाव चौपाटीच्या कॅम्पिंग साठी येणारे शेकडो ग्राहक यासाठी हॉटेल वरसगाव चौपाटी नेहमीच सज्ज असते.
"आमच्या हॉटेलमध्ये येणारा ग्राहक हा आमच्यासाठी देव आहे. आमच्या हॉटेल वरसगाव चौपाटीमध्ये येणारा ग्राहक ज्यावेळेस पोट भरून जेवतो त्यावेळेस त्याला मिळणारे समाधान हे आमच्यासाठी अनमोल आहे. आमच्या हॉटेलमध्ये रिपीट येणारे 80 टक्के ग्राहक आहेत. आखाडा पार्टी, 31 डिसेंबरची भव्य दिव्य पार्टी यासाठी आम्ही पोलीस परवानगी घेऊन, सर्व नियमांचे पालन करून, ग्राहकांना उत्तम सेवा देत असतो. आमच्या हॉटेल वरसगाव चौपाटीला सकाळी नाष्टा करायला येणारा पण एक खूप मोठा वर्ग आहे. धरणाच्या पाण्याच्या कडेला बसून चहा, पोहे, मॅगी, भजी खायला आवडणारे ग्राहकही मोठ्या प्रमाणावरती आहे. आमच्या वरसगाव धरणाच्या जागेमध्ये खूप मोठे निसर्ग सौंदर्य व ऊर्जा आहे. आमच्याकडे कॅम्पिंगला येणाऱ्या फॅमिली साठी स्वतंत्र व्यवस्था असते. कॅम्पिंगला येणारी तरुणाई आमच्या हॉटेलमध्ये निसर्गरम्य धरणाच्या काठावर बसून मनसोक्त आनंद घेते." असे हॉटेल व्यवसायिक सचिन गोरड यांनी सांगितले.
वरसगाव धरण व पानशेत धरण परिसरामध्ये हॉटेल वरसगाव चौपाटीचे "सचिन शेठ" हा एक ब्रँड झालेला आहे. प्रचंड कष्ट व मेहनत घेणारा तरुण, प्रेमळ, दिलदार, माणूसकीबाज स्वभाव, अडचणीच्या काळात मित्रांच्या पाठीशी खंबीरपणे उभे राहणारे व्यक्तिमत्व, कुटुंबाची एकजूटता, रात्री बाराला जरी जेवण करायला ग्राहक आला तरी त्याला विनमुख न पाठवता त्याला उत्तम चवीचे जेवण बनवून देणे हे कर्तव्य मानून, अडचणीच्या, संकटाच्या काळी जिद्दीने, चिकाटीने, मेहनत करणारे सचिन शेठ यांनी आज महाराष्ट्रातील हजारो ग्राहकांच्या हृदयात प्रामाणिकपणा, माणुसकी, उत्तम सेवा यामुळे मोठे स्थान निर्माण केलेले आहे.
निसर्गरम्य अशा वरसगाव धरणाच्या परिसरामध्ये हॉटेल वरसगाव चौपाटीच्या माध्यमातून महाराष्ट्राच्या कानाकोपऱ्यातील हजारो ग्राहकांना उत्तम देणारे सचिन गोरड त्यांच्या गावातील वेगवेगळ्या सामाजिक उपक्रमांमध्ये सक्रिय सहभाग घेतात. हॉटेल वरसगाव चौपाटीच्या वतीने युगपुरुष छत्रपती शिवाजी महाराजांची जयंती खूप मोठ्या उत्साहात, भोर - राजगड -मुळशी तालुक्याचे आमदार शंकर मांडेकर यांच्या उपस्थितीमध्ये, शेकडो शिवभक्तांच्या जल्लोषात साजरी केली.
"छत्रपती शिवाजी महाराज हे आपल्या महाराष्ट्राचे दैवत आहे. आमच्या हॉटेल वरसगाव चौपाटीला शिवजयंती साजरी करण्याची आम्हाला संधी मिळाली हे आमचे भाग्य आहे. भोर - राजगड - मुळशीचे आमदार शंकर मांडेकर यांच्या उपस्थितीत व शेकडो शिवभक्तांच्या जल्लोषात, आम्ही वरसगावमध्ये हॉटेल वरसगाव चौपाटीला शिवजयंती उत्साहात साजरी केली. आमदार साहेबांनी छत्रपती शिवाजी महाराजांच्या प्रतिमेचे पूजन केल्यानंतर, शिवकालीन साहसी खेळाचे आयोजन केले होते. दांडपट्टा व शिवकालीन साहसी खेळाचा शेकडो शिवभक्तांनी आनंद घेतला. आम्ही अडीचशे लोकांच्या जेवणाचे नियोजन केले होते. पुरी- भाजी श्रीखंड अशा उत्तम मेनूमुळे सर्वांनी चविष्ट जेवणाचा आनंद घेतला. शिवजयंतीचा खूप सुंदर कार्यक्रम झाला." असे हॉटेल व्यवसायिक सचिन गोरड यांनी सांगितले.
यशस्वी हॉटेल उद्योजक सचिन गोरड यांच्या प्रगतशील वाटचालीमध्ये त्यांचे आई,वडील, भाऊ व कुटुंबातील सदस्य यांचे खूप महत्त्वाचे योगदान आहे.
"माझ्या वडिलांच्या मृत्यूनंतर माझ्या आईने आम्हाला खूप आधार दिला. आईचा आशीर्वाद व पाठिंबा कायम पाठीशी असल्यामुळे आम्हाला हॉटेल व्यवसायात प्रगती करता आली. माझे मोठे भाऊ संदीप गोरड यांचे हॉटेल व्यवसायासाठी, कुटुंबासाठी खूप सहकार्य लाभले. कुटुंबातल्या लोकांची एकजूटता त्या कुटुंबाला पुढे घेऊन जात असते." असे हॉटेल व्यवसायिक सचिन गोरड यांनी सांगितले.
"माझ्या आयुष्यामध्ये, आमच्या हॉटेल वरसगाव चौपाटीच्या प्रगतशील वाटचालीमध्ये माझ्या मित्रांचेही महत्त्वाचे योगदान आहे. माझ्या मित्रांनी नेहमीच मला अडचणीच्या काळात मदत केली तसेच हॉटेल व्यवसायासाठी नेहमीच प्रेरणा व प्रोत्साहन दिले. आमच्या हॉटेलमध्ये गर्दी वाढल्यानंतर ग्राहकांना उत्तम सेवा देण्यासाठीही मित्रांचा हातभार लागतो. आयुष्यामध्ये चांगले मित्र असणे ही तुमची ताकद असते" असे हॉटेल व्यवसायिक सचिन गोरड यांनी सांगितले.
पानशेत धरणाजवळील जुना पूल वाहतुकीसाठी बंद केल्यानंतर पानशेत रोडच्या हॉटेल व्यवसायावरती खूप परिणाम झाला होता. अशा अडचणीच्या काळात सचिन गोरड पानशेतच्या जुन्या पुलाजवळ जाऊन ग्राहकांना तेथून घेऊन त्यांच्या गाडीवरती हॉटेल वरसगाव चौपाटीपर्यंत आणत असत. काही दिवसांनी त्या जुन्या पुलावरील वाहतूक सुरू झाली परंतु अडचणीच्या काळात सचिन गोरड कधीच डगमगले नाहीत.
Flipkart Best Offer... Headphones & Speakers : Upto 80% Off... Limited Time Deal! Shop Now! For Special Discount Offers Click on Below 'Buy Now'
"आजच्या तरुण पिढीने संयम ठेवून, विचार करून पावले टाकली तर कुठल्याही क्षेत्रात ते कष्ट व मेहनत करून, मोठे यश मिळवु शकतात. कुठल्याही व्यवसायात यश मिळवायचे असेल तर प्रामाणिकपणा व सातत्य खूप महत्त्वाचे आहे. तुम्ही मौज - मजा टाळून, तुमच्या व्यवसायातील 70 टक्के उत्पन्न हे व्यवसायाच्या वाढीसाठी गुंतवले पाहिजे तरच तो व्यवसाय मोठा होऊ शकतो. कितीही मोठी संकटे, अडचणी आल्या तरी खचू नका. प्रत्येक संकटातून, अडचणीतून मार्ग निघतोच. प्रामाणिकपणे मेहनत केल्यानंतर यश मिळाल्याशिवाय राहत नाही." असे हॉटेल व्यवसायिक सचिन गोरड यांनी सांगितले.
"आमचा हॉटेल व्यवसाय हा लोकांना प्रामाणिकपणे उत्तम सेवा देण्याचा व्यवसाय आहे. तुम्ही प्रामाणिकपणे लोकांना चांगली सेवा दिली तर हाच हॉटेल व्यवसाय तुम्हाला दहापट उत्पन्न देतो. नुकसान झाले, कुणी पैसे बुडवले तरी खचून जाऊ नका तुम्ही दिलेली प्रामाणिक सेवा कधीच वाया जात नाही. परमेश्वर तुम्हाला भरभरून देतो. भविष्यात वरसगाव धरण परिसरात आम्हाला सर्व आधुनिक सुविधा असलेले एक सुंदर रिसॉर्ट सुरू करायचे आहे. निसर्गसंपन्न वातावरणात जेवणाची व राहण्याची उत्तम सुविधा, आमच्या ग्राहकांना आवडेल व अभिमान वाटेल असे आधुनिक सुखसुविधा असणारे मोठे रिसॉर्ट उभे करण्याचे आमचे स्वप्न आहे. ते स्वप्न पूर्ण करण्यासाठी आम्ही प्रचंड कष्ट व मेहनत करू" असे हॉटेल वरसगाव चौपाटीचे सर्वेसर्वा,मालक सचिन गोरड यांनी सांगितले.
"एका सर्वसामान्य गरीब शेतकरी कुटुंबात जन्म घेतलेला मुलगा धरणग्रस्त शेतकऱ्यांच्या आयुष्यातील प्रतिकूल परिस्थितीशी संघर्ष करून, दहावी नापास झाल्यानंतर कुटुंबाला आर्थिक हातभार लागण्यासाठी पोल्ट्रीमध्ये वीस रुपये रोजावरती काम करणारा मुलगा ते पॉवरहाऊसमध्ये हेल्पर ते सुपरवायझर काम करणारा तरुण ते देशाच्या कानाकोपऱ्यात राजस्थान, गुजरात, महाराष्ट्र, कोईमतुर या ठिकाणी प्लास्टिक फॅब्रिकेशनच्या मोठ्या कंपन्यांच्या मोठ्या प्रकल्पावरती प्रामाणिकपणे काम करणारा तरुण ते वरसगाव धरणावरती पेंटिंगचे काम करणारा तरुण ते वरसगाव धरणावरती मक्याची कणसे विकणारा तरुण ते आईचे स्वप्न पूर्ण करण्यासाठी जिद्दीने, चिकाटीने, मेहनत करून महाराष्ट्र, कर्नाटक, गोव्यातील हजारो ग्राहकांना उत्तम सेवा देणाऱ्या, लाखो - करोडो रुपयांची उलाढाल करणाऱ्या रिसॉर्ट ,फार्महाऊसच्या पंढरीतील 'ब्रँड असणाऱ्या हॉटेल वरसगाव चौपाटीचे" मालक ते मोठ्या संकटाने सर्व उध्वस्त झाल्यानंतरही शून्यातून पुन्हा साम्राज्य निर्माण करणारे प्रसिद्ध हॉटेल व्यवसायिक, प्रेरणादायी शिलेदार सचिन गोरड यांचा संघर्षमय व असामान्य प्रवास हा महाराष्ट्रातील तरुण पिढीसाठी खूप प्रेरणादायी आहे."
महाराष्ट्रातील हजारो ग्राहकांना उत्तम सेवा देणाऱ्या हॉटेल वरसगाव चौपाटीचे सर्वेसर्वा, प्रसिद्ध हॉटेल व्यवसायिक, प्रेरणादायी शिलेदार सचिन गोरड यांना प्रगतशील वाटचालीसाठी मनापासून खूप खूप शुभेच्छा.
लेखक : अजित श्रीरंग जगताप, पत्रकार, संपादक - महाराष्ट्र गर्जना न्यूज.
