पुरंदर, दि. 3 : - पुरंदर तालुक्यातील कुष्ठरोगी रुग्णांचे पुनर्वसन करणारी वीर - मांडकी येथील सामाजिक संस्था 'सॅनिटोरियम फॉर लेप्रसी पेशंट वीर' या संस्थेस महाराष्ट्राचे उपमुख्यमंत्री अजित पवार यांच्या वाढदिवसानिमित्त सुवर्णा वसंत केदारी यांनी 2 गिझर व सिद्धनाथ पवार यांनी पाण्याची टाकी भेट दिली.संतोष बोरकर यांच्या हस्ते या कार्यक्रमाचे 1 ऑगस्ट रोजी उद्घाटन झाले. मान्यवरांच्या उपस्थितीत रुग्णांना आवश्यक सुविधांचे लोकार्पण झाले.
राष्ट्रपिता महात्मा गांधीजी यांच्या प्रेरणेने व त्यांच्याच आदेशाने 1953 साली "सॅनिटोरियम फॉर लेप्रसी पेशंट वीर" या संस्थेची स्थापना झाली. सध्या या संस्थेत 15 कुष्ठरोगी रुग्ण आहेत.
अक्षर सृष्टी या संस्थेचे अध्यक्ष सिद्धनाथ पवार यांनी या संस्थेतील रुग्णांच्या गरजांची माहिती घेतल्यानंतर सहा जून रोजी या संस्थेला भेट दिल्यानंतर सिरम कंपनीचे व्यवस्थापक अनिल बोरकर यांनी संस्थेच्या रुग्णांकरिता जीवनावश्यक वस्तूंचे किट, वाफेचे मशीन, औषधांचे किट व किराणामालाचे किट देऊन वृक्षारोपणाचा कार्यक्रम केला.
या कार्यक्रमा दिवशीच या संस्थेला रुग्णांसाठी गरम पाण्यासाठी गिझरची आवश्यकता असल्याचे समजल्यामुळे सुवर्णा वसंत केदारी यांनी एक ऑगस्ट रोजी दोन गिझर व सिद्धनाथ पवार यांनी पाण्याची टाकी या संस्थेस भेट दिली.
"समाजातील गरजू घटकांना मदत करणे आमचे कर्तव्य आहे यापुढेही या संस्थेस तसेच रुग्णांच्या मदतीसाठी सर्वोतोपरी प्रयत्न करू." अशी प्रतिक्रिया अक्षर सृष्टी संस्थेचे अध्यक्ष सिद्धनाथ पवार यांनी दिली.
या संस्थेचे मानद सचिव, पुरंदर चे ज्येष्ठ नेते मानसिंग तात्या जगताप यांनी कार्यक्रमात या संस्थेच्या स्थापनेपासून ते आज पर्यंतच्या वाटचालीबाबत माहिती दिली व उपस्थित मान्यवरांचे स्वागत केले.
या कार्यक्रमाप्रसंगी संतोष बोरकर, सिद्धनाथ पवार, मानसिंग तात्या जगताप, पुणे जिल्हा बँकेचे संचालक दिगंबर दुर्गाडे, पुरंदर राष्ट्रवादीचे अध्यक्ष माणिकराव झेंडे, अनिल चाचर, निकिता महामुनी, तेजपाल सणस, महेश साळुंके, संस्थेचे अध्यक्ष संतोष जगताप, सतीश जगताप, सहदेव जगताप, शुभम जगताप, रवींद्र सणस आणि इतर मान्यवर उपस्थित होते. या संस्थेचे उपाध्यक्ष सुरेश जगताप यांनी उपस्थित मान्यवरांचे स्वागत केले.
No comments:
Post a Comment