"2 एप्रिल, गुढीपाडव्यापासून कोरोनाचे सर्व निर्बंध हटविण्याचा महाराष्ट्र राज्य सरकारचा मोठा निर्णय; मास्कमुक्ती ऐच्छिक; 2 वर्षानंतर कोरोना निर्बंध मुक्तीमुळे जनतेला मिळणार मोठा दिलासा"...

मुंबई, दि.31 : कोरोना महामारीमुळे जगभरात, भारतात, तसेच महाराष्ट्रात कोरोनाचे कडक निर्बंध लोकांना पाळावे लागले. महाराष्ट्राचे मुख्यमंत्री उद्धव ठाकरे यांच्या अध्यक्षतेखाली झालेल्या आजच्या बैठकीत कोरोनाचे निर्बंध हटविण्या संदर्भात महत्त्वाचा निर्णय घेण्यात आला. 

गुढीपाडवा म्हणजे नववर्षाची सुरुवात. जुनं ते मागे सारुन नवीन कार्याचा प्रारंभ करणारा हा दिवस. गेल्या दोन वर्षापासून आपण कोरोनाच्या भयंकर विषाणूचा यशस्वीरित्या मुकाबला केला आणि आज हे सावट दूर होताना दिसते. एक नवीन सुरुवात करण्यासाठी म्हणून "आपत्ती व्यवस्थापन कायदा तसेच साथरोग प्रतिबंधक कायद्यान्वये कोरोना काळात लावण्यात आलेले निर्बंध गुढीपाडव्यापासून (2 एप्रिल) पूर्णपणे उठवण्यात येत आहेत, असे मुख्यमंत्री उद्धव ठाकरे यांनी आज राज्य मंत्रिमंडळाच्या बैठकीत घोषित केले. 

यावेळी त्यांनी मंत्रिमंडळाच्या वतीने राज्यातील जनतेला गुढीपाडव्याच्या शुभेच्छा दिल्या. मात्र कोरोनाचा भविष्यात धोका उद्भवू नये यासाठी नागरिकांनी मास्क घालणे, सुरक्षित अंतर ठेवणे, कोरोना प्रतिबंधक लस घेणे आवश्यक आहे. आरोग्याचे नियम पाळून आपली तसेच इतरांची देखील काळजी घ्यावी, असे आवाहन देखील त्यांनी केले आहे. याबाबतीतले सविस्तर आदेश तातडीने देण्याचे निर्देश देखील त्यांनी प्रशासनाला दिले.

Samsung Mobile.. Best Buy is Live! Lowest Prices on Samsung Mobiles. For Special Discount Offers Click on Below 'Buy Now'
                                  Buy Now

गेल्या दोन वर्षापासून राज्यातील डॉक्टर्ससह सर्व फ्रंटलाईन कर्मचारी, एवढेच नव्हे तर सर्व नागरिकांनी कोरोनाशी लढतांना एकमुखाने आणि एकदिलाने राज्य शासनाच्या प्रयत्नांना बळ दिले, असे सांगून मुख्यमंत्र्यांनी या सर्वांना देखील मन:पूर्वक धन्यवाद दिले.

या संपूर्ण काळात राज्यातील विविध जाती-धर्म आणि पंथाच्या नागरिकांनी त्यांच्या सण, उत्सव तसेच समारंभांना देखील मर्यादित ठेवले व संयम पाळला. पोलीस यंत्रणा, पालिका-नगरपालिका, महसूल व ग्रामविकास यंत्रणा आणि एकूणच प्रशासनाने कोरोनाचा दिवस रात्र मुकाबला केला, याविषयी मुख्यमंत्र्यांनी समाधान व्यक्त केले तसेच सर्वांचे मनापासून आभार देखील मानले.

Tata CLiQ...Best Offer... Ten Ten Sale is LIVE! Upto 80% Off Across Categories....For Special Discount Offers Click on Below 'Buy Now'
                              Buy Now

राज्याचे आरोग्यमंत्री राजेश टोपे यांनी पत्रकार परिषद घेऊन कोरोना निर्बंध हटविण्याच्या निर्णयाविषयी  माहिती दिली. गुढीपाडव्याच्या निमित्ताने राज्य सरकारने हा निर्णय घेतला आहे. तसेच मास्क परिधान करणेदेखील ऐच्छिक असल्याचे त्यांनी घोषित केले आहे.

आरोग्यमंत्री राजेश टोपे यांनी पत्रकार परिषदेत म्हंटले की, "२ एप्रिलपासून राज्यात संसर्गजन्य आजाराच्या कायद्याअंतर्गत लावण्यात आलेले निर्बंध हटवण्याचा निर्णय घेण्यात आला आहे. पण, याचा अर्थ आता एकदम बिनधास्तपणे वावरावे असा होत नाही. त्यामुळे लोकांनी स्वत:ची आणि इतरांची काळजी घेण्यासाठी मास्क घालावा. मास्क वापरणे ऐच्छिक असेल."

Myntra Big Fashion Festival...Best Offer... 50-80% Off  Shop Now!  For Special Discount Offers Click on Below 'Buy Now'
                                Buy Now 

कोरोना महामारीमुळे मागील दोन वर्षापासून असलेले निर्बंध हटविण्याचा राज्य सरकारने घेतलेला निर्णय जनतेला नक्कीच दिलासा देणारा आहे.