पुरंदर, सासवड, दि.30 : आजचा पुरोगामी, प्रगतशील महाराष्ट्र घडवण्यामध्ये अनेक संत, महापुरुष, समाजसुधारक,ध्येयवादी नेते, विचारवंत, क्रांतिकारक अश्या शेकडो कर्तुत्वान मराठी व्यक्तिमत्वांचे मोठे योगदान आहे.
महाराष्ट्रातील ऐतिहासिक पुरंदरच्या सासवड भूमीतील महापराक्रमी सरदार श्रीमंत गोदाजीराजे जगताप यांच्या कुळातील सासवडचे शंकरराव पांडुरंग जगताप यांच्या वीरकन्या, महाराष्ट्रातील ऐतिहासिक कोल्हापूरच्या भूमीत स्त्री शिक्षणासाठी व महिला सक्षमीकरणासाठी क्रांतिकारी कार्य करणाऱ्या महाराष्ट्राच्या पुरोगामी रणरागिनी, राजर्षी छत्रपती शाहू महाराजांच्या स्नुषा इंदुमतीदेवी राणीसाहेब यांचा स्मृतिदिन सासवड नगरपालिकेत मान्यवरांच्या उपस्थितीत, इंदुमतीदेवी राणीसाहेबांच्या ऐतिहासिक समाजकार्याच्या आठवणींना उजाळा देत,उत्साहाच्या वातावरणात संपन्न झाला.
या कार्यक्रमासाठी श्री यशवंत काका जगताप, उपनागराध्य सौ पुष्पाताई नंदकुमार जगताप , श्री विजय वढणे, श्री संदीप जगताप , डॉ श्री दीपक जगताप , डॉ सौ वृषाली दीपक जगताप , डॉ श्री प्रवीण जगताप , डॉ सौ अश्विनी प्रवीण जगताप , श्री बंडूकाका जगताप , श्री अनिल तात्या जगताप , श्री हिरामण हिवरकर , श्री संभाजीराजे जगताप , श्री सुनील नाना जगताप ,श्री सागर दत्तात्रय जगताप , सौ विद्या सागर जगताप , श्री नंदूबापू जगताप , सौ उर्मिला नंदकुमार जगताप ,श्री प्रसाद बाप्पूसाहेब जगताप आणि महापराक्रमी सरदार श्रीमंत गोदाजीराजे जगताप प्रतिष्ठानचे सर्व सन्मानीय सभासद उपस्थित होते.
BIG BAZAAR BIG SHOPPING FESTIVAL : Upto 50% Off on Electronics & Appliances + Free Delivery... 2 Hour Home Delivery... Special Discount Offers Click on Below 'Buy Now'
Buy Now
श्रीमंत इंदुमतीदेवी राणीसाहेब यांच्या स्मृती दिनाच्या कार्यक्रमाचे आयोजन महापराक्रमी सरदार श्रीमंत गोदाजीराजे जगताप प्रतिष्ठान आणि श्रीमंत इंदुमती राणीसाहेब महिला विचार मंच सासवड यांनी केले.
स्वराज्याच्या पहिल्या लढाईत ऐतिहासिक कामगिरी गाजवणाऱ्या सरदार श्रीमंत गोदाजीराजे जगताप यांच्यासारख्या पराक्रमी शिलेदारांचा वारसा असणाऱ्या जगताप घराण्यातील इंदुमतीदेवी राणीसाहेब यांचा विवाह 6 जून 1917 रोजी राजर्षी शाहू महाराजांचे धाकटे पुत्र प्रिन्स शिवाजी महाराज यांच्याशी झाला. लग्नानंतर एका वर्षानी शिकार करत असताना प्रिन्स शिवाजी महाराज यांचा अपघाती मृत्यू झाला.
Samsung Mobile.. Best Buy is Live! Lowest Prices on Samsung Mobiles. For Special Discount Offers Click on Below 'Buy Now'
Buy Now
हे वेदनादायी दुःख पचवून राजर्षी शाहू महाराजांनी इंदुमती राणी साहेबांना मुलीप्रमाणे वाढवले. चांगले शिक्षण दिले, योग्य मार्गदर्शन करून एक सुसंस्कृत, कणखर, आदर्श स्त्री व्यक्तिमत्व इंदुमतीदेवी राणी साहेबांच्या रूपात घडवले.
राजर्षी शाहू महाराजांनी इंदुमतीदेवींना सामाजिक आणि शैक्षणिक कार्यात पूर्णपणे मोकळीक दिली होती. त्यांनी पोटच्या मुलीप्रमाणे त्यांना आधार दिला, उर्वरीत आयुष्य शैक्षणिक,सामाजिक कार्यासाठी वाहून घ्यावे म्हणून प्रोत्साहन दिले.
"इंदुमती राणी साहेबांचे रूप जसे विलक्षण होते, तशीच बुद्धीमत्ताही अतिशय विलक्षण होती, दैव जिथे रुपाची खैरात करते तिथे बुद्धीची देणगी द्यायला कंजुषपणा दाखवते परंतु नियमाला अपवाद असतो ना त्याप्रमाणे इंदुमती राणी साहेबांना सौंदर्य, बुद्धी यांचे दान परमेश्वराने मुक्तहस्ते केल्याचे दिसून येते. अभिजात लावण्य व अभिजात बुद्धी यांचे वरदान लाभलेली ही लावण्यवती महाराष्ट्राच्या भाग्यविधाते छत्रपती घराण्यात कुलवधू म्हणून प्रवेश करती झाली."
"छत्रपती शाहूमहाराज करते समाज सुधारक होते. 'आधी केले आणि मग सांगितले 'या बाण्याचे. त्याप्रमाणे त्यांनी अतिशय बुद्धिमान आणि रूपवान अशी सून आपल्या घरात आणली व त्यांच्या माध्यमातून समाज सुधारणा केली.जिथे जिथे इंदुमती राणीसाहेब जात तेथे त्यांच्या व्यक्तीमत्वाचा प्रभाव पडत होता.त्यांच्या सौंदर्याचा, आदबशिरतेचा, चतुराईचा आणि जिव्हाळ्याचा सौरभ कोल्हापूरपासून गवाल्हेरपर्यंत सर्व मराठामंडळात पसरला होता.अशीही सासवडच्या जगतापकरांची वीरकन्या, लेक तमाम मराठा समाजाची आवडती राणी झाली." अशी प्रतिक्रिया प्रसिद्ध इतिहास अभ्यासक डॉक्टर सुवर्णा नाईक निंबाळकर यांनी महाराष्ट्र गर्जना न्यूजशी बोलताना दिली.
या स्मृतिदिनाच्या कार्यक्रमात सासवड येथील प्रसिद्ध डॉक्टर दीपक जगताप यांनी इंदुमतीदेवी राणीसाहेब यांचे महान व्यक्तिमत्व घडवण्यामध्ये राजर्षी शाहू महाराजांनी दिलेले योगदान याविषयी मनोगत व्यक्त केले.
Tata CLiQ...Best Offer... Ten Ten Sale is LIVE! Upto 80% Off Across Categories....For Special Discount Offers Click on Below 'Buy Now'
Buy Now
इंदुमतीदेवी राणीसाहेब यांच्या कोल्हापूरच्या भूमीतील शाळा, महाविद्यालयांमध्ये शिक्षण घेणाऱ्या डॉक्टर वृषाली जगताप यांनी इंदुमती राणी साहेबांचे शैक्षणिक कार्य, महिला सक्षमीकरण यासाठी इंदुमती राणीसाहेबांनी केलेले विशेष प्रयत्न यावर मनोगत व्यक्त केले.
इंदुमतीदेवी राणीसाहेब या 1925 मध्ये मॅट्रिक पास झालेल्या त्यावेळेच्या राजघराण्यातील पहिल्या महिला होत्या. कोल्हापुरात इंदुमती राणी साहेबांनी 1954 ला ललित विहार संस्था स्थापन करून स्त्री शिक्षणासाठी विशेष प्रयत्न केले.
"महाराणी शांतादेवी गायकवाड प्रशिक्षण संस्था, महाराणी विजयमाला छत्रपती गृहिणी महाविद्यालय, महिला वसतिगृह, मॉडन हायस्कूल फॉर गर्ल्स" या शैक्षणिक संस्थांच्या माध्यमातून सर्वसामान्य स्त्री वर्गाला शिक्षणाच्या प्रवाहात आणण्याचे काम इंदुमतीदेवी राणीसाहेबांनी केले.
महाराष्ट्रातील पहिले औद्योगिक कलाभवन सुरू करून इंदुमती देवी राणी साहेबांनी महाराष्ट्रातील महिलावर्गाला सुशिक्षित व सक्षम बनवण्यासाठी मोठी चळवळ उभी केली.
Myntra Big Fashion Festival...Best Offer... 50-80% Off Shop Now! For Special Discount Offers Click on Below 'Buy Now'
Buy Now
"श्रीमंत इंदुमतीदेवी राणीसाहेब यांचे जीवनकार्य व क्रांतिकारी शैक्षणिक कार्य आजच्या तरुण पिढीसाठी खूप प्रेरणादायी आहे. आपल्या महाराष्ट्राच्या या महान भूमीतील या थोर कर्तुत्ववान व्यक्तिमत्त्वांचा महान इतिहास जास्तीत जास्त लोकांपर्यंत प्रसार होणे गरजेचे आहे." अशी प्रतिक्रिया सासवड येथील सामाजिक कार्यकर्ते, स्वीकृत नगरसेवक नंदू जगताप यांनी महाराष्ट्र गर्जना न्यूजशी बोलताना दिली.
आधुनिक महाराष्ट्र घडवण्यामध्ये महत्त्वाचे योगदान असणाऱ्या सर्वच स्त्री कर्तृत्ववान व्यक्तिमत्त्वांचा इतिहास तरुण पिढीपर्यंत पोहचणे गरजेचे आहे.
