पुरंदर, वीर, दि.17 : - महाराष्ट्रातील महान सांस्कृतिक वारसा लाभलेल्या पुणे जिल्ह्यातील, पुरंदर तालुक्यातील प्रसिद्ध देवस्थान श्रीनाथ म्हस्कोबा क्षेत्र वीर येथे डोळ्यांचे पारणे फेडणारा, ऐतिहासिक 'शाही दसरा' सोहळा पारंपारिक पद्धतीने व भक्तिमय वातावरणात "सवाई सर्जाचं चांगभलं" या जयघोषात मंत्रमुग्ध होऊन, उत्साहात संपन्न झाला.
श्री क्षेत्र वीर येथील ऐतिहासिक विजयादशमीनिमित्त, श्रीनाथ म्हस्कोबा देवाची पालखी व वस्त्र परिधान केलेल्या व फुलांनी सजवलेल्या मानाच्या काठया, छबिन्यासह निशाण, छत्री, अब्दागिरी या लवाजम्यासह सायंकाळी पाच वाजता भक्तिमय वातावरणात सीमोल्लंघनासाठी निघाल्या.
या ऐतिहासिक सोहळ्यावेळी सालकरी, मानकरी, दागिनदार, देवस्थानचे सर्व विश्वस्त, ग्रामस्थ,भक्त उपस्थित होते.
Buy Now
"महाराष्ट्रातील लाखो भाविकांचे श्रद्धास्थान श्रीनाथ म्हस्कोबा श्री क्षेत्र वीर येथील शाही दसरा सोहळ्याची भक्त मंडळी आतुरतेने वाट पाहत असतात. या वर्षीचा ऐतिहासिक शाही दसरा सोहळा भक्तिमय वातावरणात, उत्साहात संपन्न झाला." अशी प्रतिक्रिया श्रीनाथ म्हस्कोबा देवस्थान वीर ट्रस्टचे अध्यक्ष संतोष धुमाळ यांनी दिली.
श्रीनाथ म्हस्कोबा देवाच्या पालखीने तुकाई देवीची भेट घेऊन पारंपारिक पद्धतीने शाही दसऱ्याचे सीमोल्लंघन करून, गावाच्या वेशीवर विधिवत आपटा पूजन केले.
श्रीनाथ म्हस्कोबा देवाच्या पालखीने पारंपारिक पद्धतीने गाव प्रदिक्षणा पूर्ण करून रात्री 8.30 वाजता मंदिरात आल्यानंतर, भक्तिमय वातावरणात छबीना संपन्न झाला. या ऐतिहासिक शाही दसऱ्याच्या सोहळ्यावेळी श्रीनाथ म्हस्कोबा देवाचे दर्शन घेण्यासाठी भक्तवर्ग खूप आतुरतेने व आनंदाने या उत्सवात सहभागी होत असतो.
श्रीनाथ म्हस्कोबा देवाच्या पालखीला फुलांची केलेली आकर्षक सजावट तसेच मंदिरास केलेली आकर्षक विद्युत रोषणाई, आनंदमय वातावरणात फटाक्यांची केलेली आतिषबाजी, सुशोभिकरण केलेला पालखी मार्ग, फुलांची उधळण व "सवाई सर्जाचं चांगभलं" या जयघोषात संपूर्ण भक्तवर्ग आनंदमय व भक्तिमय वातावरणात मंत्रमुग्ध झाला.
BIG BAZAAR BIG SHOPPING FESTIVAL : Upto 50% Off on Electronics & Appliances + Free Delivery... 2 Hour Home Delivery... Special Discount Offers Click on Below 'Buy Now'
Buy Now
"पुरंदर तालुक्यातील श्री क्षेत्र वीर येथील ऐतिहासिक नवरात्र उत्सव व शाही दसरा, ऐतिहासिक वीर गावच्या भक्तिमय संस्कृतीचे दर्शन घडवतो. पारंपारिक नवरात्रोत्सव व शाही दसरा याचे औचित्य साधून वीर देवस्थान ट्रस्टने आयोजित केलेल्या "रक्तदान शिबिर" या सामाजिक उपक्रमास पंचक्रोशीतील तरुणांनी उत्तम प्रतिसाद दिला."
"वीर देवस्थान ट्रस्ट सर्व धार्मिक उत्सवांचे उत्तम नियोजन करून, चांगले सामाजिक उपक्रम राबवत असते." अशी प्रतिक्रिया पुरंदर काँग्रेसचे ज्येष्ठ नेते, वीर गावचे ज्येष्ठ सामाजिक कार्यकर्ते दिलीप धुमाळ यांनी दिली.
दसऱ्याच्या मुहुर्तावर श्रीनाथ म्हस्कोबा मंदीरातील तसेच श्री क्षेत्र घोडेउड्डाण या ठिकाणी चालू असणारी कामे आणि भविष्यात करावयाची कामे या संदर्भात मंदीरात आजी, माजी चेअरमन ,सल्लागार ,विश्वस्त आणि काही ग्रामस्थ यांनी चर्चा केली.
Myntra Big Fashion Festival...Best Offer... 50-80% Off Shop Now! For Special Discount Offers Click on Below 'Buy Now'
Buy Now
ही महत्त्वांच्या कामांविषयी चर्चा करत असताना पोलीस शिलेदार बापूसाहेब धुमाळ यांनी घोडेउड्डाण मंदीर परिसरातील स्वच्छतागृह बांधकामाचा विषय काढला असता त्याला लागणाऱ्या खर्चाची चर्चा करत असताना वीर देवस्थानचे सल्लागार श्री रामचंद्र धुमाळ यांनी वीर गावचे थोर देणगीदार, दानशूर व्यक्तिमत्व श्री विठठ्ल धुमाळ यांना या कामामध्ये आर्थिक मदत करण्याबाबत विनंती केली असता एका क्षणात विठ्ठल धुमाळ यांनी मदतीसाठी होकार दिला.
"श्रीनाथ म्हस्कोबा महाराजांचे भक्त व प्रसिद्ध उद्योजक विठ्ठल धुमाळ यांनी देवस्थान ट्रस्टला घोडेउड्डाण मंदिर परिसरातील स्वच्छतागृह बांधकामासाठी ७०००० रुपये देणगी स्वरूपात दिले. अशा सामाजिक व्यक्तिमत्वाला आमचा सलाम. श्रीनाथ म्हस्कोबा देवस्थान ट्रस्ट .श्रीनाथ सेवा मंडळ घोडेउड्डान तसेच वीर ग्रामस्थ सर्व नाथभक्त श्री विठ्ठलशेठ धुमाळ यांचे आभारी आहोत." अशी प्रतिक्रिया वीर देवस्थानचे सल्लागार रामचंद्र धुमाळ यांनी दिली.
"वीर गावचा शाही दसरा ही शिवकालीन परंपरा आहे. अश्विन शु. १ ते अश्विन ९ असा नऊ दिवसाचा कालखंड म्हणजे वीर गावातील छबिना व उपवास यांची लगबग. छबिना उतरला की एक वेळ फराळ करून नवमीला उपवास सुटल्यावर विजयादशमी दसरा सोहळा म्हणजे वीर मधील दिवाळीच. या दिवशी सर्व काट्या, ढोल, श्रीनाथ म्हस्कोबा महाराज यांची पालखी भक्त कमळाजी यांना भेटून तुकाई टेकडीवर तुकाई देवी मंदिर येथे आल्यावर शाही शत्रपूजन ब्राह्मण व धुमाळ परिवार, पाटील यांचेकडून होते."
"यानंतर पुढे सर्व पालख्या भक्तभेट घेऊन दसरा टेकडी म्हणजे सरदार लखोजीराजे धुमाळ व सरदार नाथाजी धुमाळ यांची समाधी असणाऱ्या टेकडीवर येतात. दसरा टेकडीवर शिवकालीन असणाऱ्या समाधी ठिकाणी धुमाळ परिवाराकडील शस्त्र पूजन होते. तेथे पालखी विसावा आहे. तेथे सर्व गाव, मानकरी,सालकरी,भक्त या ठिकाणी सोने लुटून दोन्ही पालखी व समाधीचे दर्शन घेऊन फटाक्यांची आतिषबाजी केली जाते."
"यानंतर पालखी ग्रामप्रदक्षिणा करून पुन्हा मंदिराकडे मार्गस्थ होते मंदिरात नेहमी प्रमाणे विधिवत आरती होऊन पालखी विसावते नंतर सर्व दागिनदार , व भक्त यांना देवाचा प्रसाद म्हणजे पगार दिला जातो. हा सोहळा याची डोळा याची देही पाहिले शिवाय समजत नाही, मग सर्वांना आतुरता राहते ती माघ पौर्णिमाची." अशी प्रतिक्रिया वीर गावचे इतिहास अभ्यासक बापूसाहेब धुमाळ यांनी महाराष्ट्र गर्जना न्यूजशी बोलताना दिली.
"प्रत्येक वर्षी सर्व भक्तगण या ऐतिहासिक शाही दसरा सोहळ्याची भक्तिभावाने वाट पाहत असतो. यावर्षी पारंपारिक पद्धतीने, उत्साहाच्या वातावरणात,खुप आनंदाने शाही दसरा सोहळा पार पडला." अशी प्रतिक्रिया वीर देवस्थानचे पुजारी गौरव क्षीरसागर यांनी दिली.
"महाराष्ट्रातील लाखो भाविकांचे श्रद्धास्थान असणारे श्रीनाथ म्हस्कोबा क्षेत्र वीर येथील "ऐतिहासिक शाही दसरा सोहळा" अठरापगड जातीतील लोकांना भक्तीच्या धाग्याने एकत्र जोडणारा व ऐतिहासिक वीर गावच्या महान संस्कृतीचे दर्शन घडवणारा आहे. श्री क्षेत्र वीर येथील ऐतिहासिक शाही दसऱ्याची वैभवशाली परंपरा सर्व भक्तगण अभिमानाने व भक्तिभावाने जोपासत असतात.अशी प्रतिक्रिया महाराष्ट्र गर्जना न्यूजचे संपादक अजित जगताप यांनी दिली.
श्रीनाथ म्हस्कोबा देवस्थान क्षेत्र वीर येथील ऐतिहासिक शाही दसरा सोहळा प्रत्येक वर्षी भक्तांसाठी आनंदमय वातावरणात, भक्तिमय संस्कृतीने समृद्ध करणारा असतो.
No comments:
Post a Comment