पुणे, दि. 17 : - महाराष्ट्रात तसेच पुणे शहरातील कोरोना संसर्गाचा विळखा गेल्या काही दिवसांपासून कमी होताना दिसत आहे. पुणे शहरात कोरोनाबाधित रुग्णसंख्येत घट झालेली दिसून आल्यामुळे दिलासादायक परिस्थिती निर्माण होत आहे. आज सोमवारी पुणे शहरात कोरोनाबाधित रुग्णांच्या संख्येत लक्षणीय घट झालेली दिसून आली. आज 'पुणे शहरात कोरोना बाधित 684 नवे रुग्ण आढळल्याने, कोरोनाबाधित रुग्णसंख्येत घट झाल्यामुळे प्रशासनाला व नागरिकांनाही दिलासा मिळताना दिसत आहे'.
पुणे शहरात 18,440 रुग्णांवर उपचार चालू आहेत. आज 2,790 रुग्ण कोरोना मुक्त होऊन, बरे होऊन घरी गेले. आज कोरोना संसर्गामुळे पुणे शहरात 43 लोकांचा मृत्यू झाला.
मागील काही दिवसांपासून पुणे शहरातील कोरोना बाधित रुग्णांचा आकडा कमी होत असल्यामुळे दिलासादायक परिस्थिती निर्माण होत आहे.
पुणे महानगरपालिका प्रशासन, पोलीस प्रशासन, आरोग्य विभाग कोरोना संसर्ग कमी होण्यासाठी अनेक उपाय योजना राबवत आहेत.
कोरोना बाधित रुग्णांचा आकडा कमी होण्यासाठी पुणे शहरात लॉकडाऊनचे सर्व कडक निर्बंध लागू केलेले आहेत.
पुणे शहरातील नागरिकांनी लॉकडाऊनचे सर्व नियम पाळून, मास्क, सॅनिटायझर आणि सोशल डिस्टंसिंग या त्रिसूत्रीचा अवलंब करणे खूप गरजेचे आहे.
'पुणे शहरातील कोरोना संसर्गाचे प्रमाण कमी होण्यासाठी शहरातील जास्तीत जास्त नागरिकांना कोरोनाची लस मिळणे खूप गरजेचे आहे.'
No comments:
Post a Comment