पुणे, दि. 5 : - महाराष्ट्रातील अनाथांची माय असलेल्या ज्येष्ठ समाजसेविका, पद्मश्री सिंधुताई सपकाळ यांच्या दुःखद निधनाने संपूर्ण महाराष्ट्र हळहळला, शोकसागरात बुडाला.
महाराष्ट्रातील ज्येष्ठ समाजसेविका सिंधुताई सपकाळ यांचे काल मंगळवारी सव्वा आठ वाजण्याच्या सुमारास हृदयविकाराच्या धक्क्याने पुण्यात निधन झाले. वयाच्या 75 व्या वर्षी सिंधुताई सपकाळ यांनी पुण्यातील गॅलेक्सी हॉस्पिटल येथे अखेरचा श्वास घेतला.
हार्नियाच्या त्रासामुळे दीड महिन्यापूर्वी सिंधुताई यांना रुग्णालयात दाखल केले होते,एक शस्त्रक्रियाही झाली होती परंतु उपचार चालू असतानाच काल हृदयविकाराच्या धक्क्याने त्यांची प्राणज्योत मालवली.
सिंधुताई सपकाळ यांचे पार्थिव आज मांजरी बुद्रुक येथील सन्मती बालनिकेतन या संस्थेत आणण्यात आले. यावेळी नागरिकांनी अंत्यदर्शनासाठी खूप गर्दी केली होती. यावेळी माईंच्या शेकडो मुला-मुलींना अश्रू अनावर झाले.
ज्येष्ठ समाजसेविका, पद्मश्री सिंधुताई सपकाळ यांच्या अंत्यसंस्कारावेळी शासकीय इतमामात सलामी देण्यात आली.
पुण्यातील ठोसर पागा येथे आज दुपारी महानुभाव पंथानुसार दफनविधी करून, सिंधुताई सपकाळ यांच्यावर अंत्यसंस्कार करण्यात आले.
अनाथांची माय, महाराष्ट्राची आई, हजारो लेकरांचा आधार तसेच हजारो लेकरांची माय अशी सिंधुताई सपकाळ यांची ओळख आहे.
BIG BAZAAR BIG SHOPPING FESTIVAL : Upto 50% Off on Electronics & Appliances + Free Delivery... 2 Hour Home Delivery... Special Discount Offers Click on Below 'Buy Now'
Buy Now
सिंधुताई सपकाळ यांनी शेवटच्या श्वासापर्यंत अनाथ मुलांना वाढवलं. त्यांना आईची माया दिली, प्रेम दिले, जिव्हाळा दिला, संगोपन केले. मात्र त्यांचे निधन झाल्यामुळे संपूर्ण महाराष्ट्रातून हळहळ व तीव्र शोक व्यक्त केला जात आहे.
Samsung Mobile.. Best Buy is Live! Lowest Prices on Samsung Mobiles. For Special Discount Offers Click on Below 'Buy Now'
Buy Now
ज्येष्ठ समाजसेविका सिंधुताई सपकाळ यांचे संघर्षमय जीवन संपूर्ण भारतासाठीच तसेच जगभरातील तरुणाईसाठी, समाजातील सर्वच घटकांसाठी प्रेरणादायी आहे.
No comments:
Post a Comment