माहूर गावच्या सरपंचपदी रामदास नारायण जगताप व उपसरपंचपदी पुनम तुषार माहुरकर यांची बहुमताने निवड झाल्याची माहिती निवडणूक निर्णय अधिकारी नानासाहेब कांबळे यांनी दिली.
"पुरंदरचे लोकप्रिय,कार्यक्षम आमदार संजयजी जगताप सर व माजी राज्यमंत्री विजय बापू शिवतारे यांच्या मार्गदर्शनाखाली माहूर गावचा सर्वांगीण विकास करण्यासाठी आमचे श्री भैरवनाथ ग्रामविकास पॅनेल कटिबद्ध असेन याची आम्ही ग्वाही देतो अशी प्रतिक्रिया माहूर गावचे काँग्रेसचे युवा नेते तुषार माहुरकर यांनी महाराष्ट्र गर्जना न्यूजशी बोलताना दिली.
माहूर ग्रामपंचायत निवडणुकीमध्ये रामदास नारायण जगताप, पुनम तुषार माहुरकर, संतोष महादेव पांडे, मेघा संजय जगताप, जयश्री राहुल भोसले, शरद नारायणराव जगताप, राजेंद्र पोपटराव जगताप, दिपाली बापूराव खोमणे, उज्वला परशुराम जगताप यांची सदस्य म्हणून निवड झालेली आहे.
"माहूर गावच्या नागरिकांनी दिलेला विजयाचा कौल सार्थकी लावून सर्व लोकांच्या समस्या प्रामाणिकपणे सोडवण्याचा व गावात चांगले विकासकार्य करून माहूर गावाला विकासाचा चांगल्या उंचीवरती घेऊन जाण्याचा मनापासून प्रयत्न करेन." अशी प्रतिक्रिया माहूर गावचे नवनिर्वाचित सरपंच रामदास जगताप यांनी महाराष्ट्र गर्जना न्यूजशी बोलताना दिली.
" माहूर गावातील महिला सक्षमीकरणासाठी आम्ही महिलांसाठी असणाऱ्या सर्व सरकारी योजनांची प्रभावी अंमलबजावणी करणार आहोत." अशी प्रतिक्रिया माहूर गावच्या नवनिर्वाचित उपसरपंच पुनम माहुरकर यांनी महाराष्ट्र गर्जना न्यूजशी बोलताना दिली.
" माहूर ग्रामपंचायत निवडणुकीमध्ये निवडून आलेले सर्व विजयी उमेदवार माहूर गावच्या सर्वांगीण विकासासाठी प्रामाणिकपणे प्रयत्न करतील याची आम्हाला खात्री आहे." अशी प्रतिक्रिया माहूर गावचे ग्रामस्थ नवनाथ हनुमंतराव जगताप (मुकादम) यांनी महाराष्ट्र गर्जना न्यूजशी बोलताना दिली.
No comments:
Post a Comment